1 Malikwa 10:24 - NABUWWA KEE MALIKWA

²⁴ Baadal tan ummatta, Yalli kaah yecee kas kaak raqsitaanam faxak yenen.

1 Malikwa 10:24 ပူးပေါင်းရင်းမြစ်များ

1 Malikwa 10:1

Saba deqsitta baaxoh maliká, Suleeman le migaq-gexxo toobbe waqdi, kinni num kaak tabaluuy, gibdi esseroorak mangom kaa essertuh, kaa fan gexxe.

1 Malikwa 3:12

too atu-faxxem koh aceeyyo. Kas kee bagi-cubbiy sahdayti ahayduma gee weeh, sarra gee wayu-waa koh aceeyyo.

1 Malikwa 3:28

Israayil mari Suleeman a namma barrah yab elle kure'nna yoobben waqdi, kaxxam kaa yessekexxen. Kaa akah yessekexxeenim, usuk too ayrook lakal, Yalli sahdâ tittin-way missat edde bicsa kas kaah yeceem yeexegeenimi.

1 Malikwa 3:9

Tonna'mmay ku ummatta qadaalatat edde xiinisaah, umam-kee-meqem-edde-baxisa-kas yoh acuyey. Too kas aalle week, a-axxul le ku mara qadlit xiinisam maduuda» iyye.

2 Aydaad 1:11

Yalli too waqdi kaak iyyemii, «Meqem dooritte. ‹Gaddaliino faxa› maxaccitooy, ‹Mango midir faxa› maxaccito. ‹Migaq-gexxo faxa› kaadu maxaccitooy, hinnay kaadu, ‹Naqboytiitih yok yan mara yoh qid› yok maxaccito. Kaadu ‹Qumri yok eyxeer, yi Dageltaw› 'yaanam yok maxaccito. Tohuk tu yoo messerinnitoy, ‹Atu abba yoo akak abteh tan ku mara edde xiinisa'gidih kas kee ixxiga yoh ucuy› yok inte.

2 Aydaad 1:12

Too atu faxxe kas kee ixxiga koh aceeyyooh; toh lih kaadu, faxe malik duma luk suge weeh, sarra geyak raaqe wayu waa mango gaddaliino kee kaxxa midir kee migaq-gexxo koh aceeyyo» kaak iyye.

Yacedkel 16:14

Kaxxam qaxa koo eymeeqeeh; tonna-leemiik litoh tan kaxxa qax-maqaaneh mango baaxol koo yoobben. Tahat yabtam yoo YALLAY Mulki lehiyya» iyye.

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 2:23

Yi kaxxa abbobti tuqbude Dageltaw, kas kee qande yoh teceem koo. Candu koh gacsah koo faylisa. Koo esserrem atu yoo tuybulleeh; malikih warisnu waynam nee tuybulleeh; candu koh gacsah koo faylisa» axcuk Yalla faylise.

Daaniyel 5:11

Ku xintoh gubat tan baaxoh addal, *Kudduusuk tan yallitteh roocaaniyya xagarat akak tan num yaniih; ku abba malikih yen saaku, a num tut xayih radiyyaay ixxiga kee yallitte-kas le num kinnim kaak tumbulleh sugte. Ku abbah yen Malik Nabkadnessar, faal-qida kee baab-abeenitiiy cutuk-beya kee ramli-qidak inkih abba kaa abeh suge.