1 Malikwa 1:5 - NABUWWA KEE MALIKWA

^5-6 Dawud xaylok Absalaam ciggiltam, ina akak Caggit deqsitta barrah baxay Qadoona deqsitahiyyak ten. Qadoona kaxxa qax-maqaane luk yen. Kay abba usuk faxem abaamah, kaa assacakkuk mananna. Qadoona malik yakkem faxak yen. Tohuk gexxaamah faras-gaari kee mango faariisa kee kontom numuy dacayrih kaat gactu waytahiyya naharal elle bical haysiteh yen.

1 Malikwa 1:5 ပူးပေါင်းရင်းမြစ်များ

2 Samuwel 15:1

Tohuk lakal Absalaam faariisa kee faariisat giitak beyan gaari bicsiteeh, toh lih kaadu kontom yakke maray dacayrih kaat gacu waahiyya haysite.

2 Samuwel 3:4

Fereyhaytô-baxi migaaqah Qadoona deqsitak yen. Kay ina migaaqah Caggit deqsitak ten. Konoyhaytô-baxi kaak Safatya deqsitak yen. Ta awkih ina Abiital deqsitta barrak ten.

1 Malikwa 1:11

Toh yuble waqdi, Nabi Naatan, Suleeman inay migaaqah Batsabaq deqsittahiyya fan gexeh, teetik iyyeemih, «Qadoona, Malik Dawud aabbe'kal, isih malik is abem maabbitoo?» teetik iyye.

1 Malikwa 1:4

Awká nabam qax-muquk teneeh; malik garik gexak manannay, amo kaak wagitak ten. Takkay immay usuk fido teetit faxeh mananna.

1 Malikwa 2:13

Ayrok teena Qadoona Batsabaq fan yemeete. Batsabaq, Suleeman inak ten. Batsabaq Qadoona teetil yemeetem tuble waqdi, «Akah temeetem nagayna?» kaak inte. Qadoona, «Nagayna» iyye.

1 Malikwa 2:15

«Akah taaxige innah, yi abbah arac ciggiltaah malik takkem yook teneeh; inkih tan Israayil ummat malikih loowitak sugtem yook ten. Tohim makkinnaay, yi toobokoyti malik yekke. Tohim kaadu YALLAK yemeete amrih tekkeemi.

1 Malikwa 2:24

YALLI yi abbah aracal yoo hayya heeh digga yot hee. Qahdi akah culem duuduseeh, abbootan yoo kee yi ramadah yecee. YALLAY waarahiyyah migaaqal xiibita: Qadoonal, ta saakut edde, rabâ-cokmi kaal abeyyo» iyye.

1 Aydaad 28:5

Lab-xaylok mangom yoh yecee. Xalla hee xalaayak addak kaadu yi lakal Israayil ummatih amoytiinuh Suleeman doore. Isih, abbah akak yan Israayil-ummattal yi lakal malikih Suleeman hee leemih, xagana yoh culeh yan.

1 Aydaad 29:1

Malik Dawud inkih tan ummatak iyyeemih, «Yalli malikih siinih doorem, yi baxa Suleemana. Takkay immay usuk ahayduma qunxa numuuy; taama elle aban innih ixxiga mali. Away xisneh kaa qambaltam, malik-qari hinnaay, Dageltah yan YALLIH Qibaadah-Qari. Tonna-kinnuk mango taama faxxiimele.

1 Aydaad 3:2

Sidochaytô-baxi kaak migaaqah Absalaam deqsitak yen. Ta awkih ina Maqka deqsitta barrak ten. Tet abba Gasur deqsitta baaxoh malikik teneeh; migaaqah Talmayi kaak axcuk yenen. Fereyhaytô-baxi migaaqah Qadoona deqsitak yen. Kay ina, migaaqah Caggit deqsitak ten.

Yasaqya 2:7

Ken baaxol dahab kee lakqo kibuk tan. Oson yedderen duyye kaxxam mango. Ken baaxol mango faaris yan. Oson lon gaariirak loowo matamixxiga.

Makaabon 9:2

Too marak iyyemii, «Seekem-marak intaanamahaa: ‹Gidqoon xaylok malcina-taban inkih, abbobti siinik yakkeenim siinih taysem kee, wonna hinna'mmay, kay xaylok inki num siinik abba yakkem siinih taysem doorita› keenik inxica» iyye. Qagissa heeh keenik iyyeemih, «Macaa, yi tiyah tu gactek, akah taaxigen innah, anu sin qabalaay sin nabsi kinniyo» iyye.