1 Malikwa 1:48 - NABUWWA KEE MALIKWA

⁴⁸ sarrak dooqa abe. Dooqah iyyemii, ‹YALLAY Israayil doore Dagelta kinni faylisnay. Kaay anu addunyâ-bagul anih, yi sammok yooboke yi baxa yi lakal malik akkih abali yoo heehiyyah fayla taafay› 'yaanam iyye» keenik iyye.

1 Malikwa 1:48 ပူးပေါင်းရင်းမြစ်များ

2 Samuwel 24:3

Yowab kaak iyyeemih, «Atu addunyal elle anuk, YALLAY ku Dageltah yanihiyya Israayil mara away yakkeenih gidek bool adda ken yaymaggay. Tonna'mmay annah taniimit macah assa?» kaak iyye.

2 Samuwel 7:12

Atu rabtaah isi kaxxa abbobti lih tamoogoqu wayta saaku, ku xaylok numuk teena malikih heeyyooh, kay reeda qande bahsiiseyyo.

1 Malikwa 1:49

Toh yoobben waqdi, Qadoonah-sadgatah yemeeteh suge mari meysiteeh, yakkeenimiik ugutta 'yeenih, mariiy isi qaxal keenik gexe.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 3:6

Suleeman YALLAK iyyemii, «Yi-abba-Dawuduy ku naqasuh yenehiyyah kaxxa kacanu luk sugteeh; usuk kaadu baguuk kol yaamineeh, cakki-kee qadaalat-le numuk ten. Atu kaah abak sugte maqaane kaak mayseedinnitooy, a saaku kay baxa kay qarkaytol hayte.

1 Malikwa 8:20

«Ta saaku, YALLI iyyeemik cabem maliiy duuduseh. YALLI elle iyye'nnal, Dawud aracal Israayil ummatih malik ekkeh an. YALLAY Israayil doore Dagelta kinnihiyya elle yaqbuden qari xiseh an.

1 Aydaad 17:17

Yallaw, a saaku inkinnah duma neh abteh sugte maqaanek giffa 'ta maqaane neh abte. Yi ramadah kaadu sarrî-dabaanal abtu waytaamat yabteh. YALLAW, yi Dageltaw, kaxxa numuh yoo tablem asmiteh an.

1 Aydaad 29:10

Tokkel inkih tan ummat elle gaabowte aracal Malik Dawud YALLA faylise. YALLIH faylah iyyeemih, «YALLAW, nanu akak radne Israayil doore Dageltaw, ku migaq kulli way fayla le.

1 Aydaad 29:20

Too yaabak gaba kale waqdi ummatak, «YALLAY sin Dagelta kinni faylisa» iyye. Too waqdi suggu 'ye mari, YALLAY oson akak raden ken kaxxa abbobti doorehiyya fayliseenih. Qununna 'yeenih, baaxol gommoh radeenih, YALLA yessekexxeeniih; isinni malik kaadu yessekexxen.

Nacmiya 9:5

Leewih yooboke marak Yaasuwa kee Kadmiyal kee Baani kee Casabnaya kee Sereebiya kee Hoodiya kee Sebanya kee Fatacya deqsita num iyyeemih, «Ugutay YALLAY sin Dagelta kinnihiyyay kulli way waarahiyya faylisa» iyyen. Dooqah iyyeenimii, «Kooh taguude fayla sahdayti afat takke faylak nabuk raqta'mmay tohuh, ku migaaqay nabna lehiyya kulli way faylisoonay.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.

1 Samuwel 25:32

Too waqdi Dawud teetik iyyemii, «YALLAY Israayil doore Dagelta kinni fayla taafay! A saaku yot matarta'gidih koo ruube.