1 Aydaad 7:29 - NABUWWA KEE MALIKWA

²⁹ Manassek rade mari, Beet-Saqan kee Magiddo kee Taqnak kee Door kee too magaaloolih dariifal sugte gaandoodil gacen. Israayil-baxi Yuusufuk rade mari elle gacem too baaxo.

1 Aydaad 7:29 ပူးပေါင်းရင်းမြစ်များ

1 Malikwa 4:12

Aciilúd-Baqna kaadu Taqnak kee Magiddo deqsitta magaalooli kee Beet-Saqan garil enna 'ta baaxok abbah yen. Beet-Saqan deqsitta baaxo, Yidraqel magaalak xayi tan Xartan deqsitta magaalak xabba haanamaay Aabil-Macoola magaala kee Yokmaqam magaalah amma 'yaanam tan baaxo.

1 Malikwa 9:15

Malik Suleeman YALLIH Qibaadah-Qari kee isi qariiy, kalah kaadu, magaalat maroh heen gaso kee, tonnah kaadu, magaalak ayrô-mawqa le kabut raqta baaxoy ramma luk sugtehiyya edde missoysem, dirkih tamsiisa marih gabak ten. Tohuk kalah, Caxor kee Magiddo kee Geser deqsitta magaalooli kaadu keenit bicsiise.

2 Malikwa 23:29

Ayrok teena Masri malikiy migaaqah Nako deqsitak yenehiyya, Assuuriyah-malikih catoh, qaskar Fuurat-weeqaytu fanah ruube. Yoosiyaahu toh yuble waqdi, Magiddo deqsita aracal ken yayseede'gidih, keenih matre. Sarrak too qeebit edde rabe.

2 Malikwa 9:27

Yuudâ-malikih yen Acadya tekkem yuble waqdi, Beet-Cagan magaala fan isi gaarit kude. Yaahu lakak kaa yeyredde. Too waqdi isi marak iyyemii, «Kaa kaadu macabinay qida» iyye. Sarrak Acadya, Yiblaqam garit yan Guur-magaala fan yawqe gita gaarih amot kudak suge waqdi, Yaahû-mari kaa mudeh. Takkay immay gaarih amot gacca 'yeh Magiddô-magaala aleelite. Tokke gufe waqdi rabe.

2 Aydaad 35:22

Takkay immay Yoosiyaahu qeebi kaat abaamal malseeh; tonna-leemiik Yallih yaabay Nako kaah warsahiyya cinna heeh qeebi gexoh ugte. Sarrak Magiddo deqsitta booxa fanah, kaa yaaxigeenimik aki num cella heeh, carbih gexe.

Zakariyya 12:11

Too ayro Yarusalaam mari, Hadad-Rimmon deqsittaamah Magiddo deqsitta booxal rookah ummat akah gacte innah, gacelon.

Makaabon 5:19

Taqnak deqsita aracal Magiddo deqsita illaltih garil malikwa temeeteh qeebi abte. Kanqaan baaxoh malikwa qeebi abte. Takkay immay oson lakqo mabennon.

1 Samuwel 31:10

Sarrak Saawul silac Qastarot deqsittaamay Yallih aftok yaqbudeenihiyyah qibaada elle abaana'gidih xisen qarik addal heen. Raysa kaak Beet-San deqsitta magaalat maroh tan gasok bagut xakbisen.