1 Aydaad 5:26 - NABUWWA KEE MALIKWA

²⁶ Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

1 Aydaad 5:26 ပူးပေါင်းရင်းမြစ်များ

2 Samuwel 24:1

YALLI qagisak Israayil ummatta yinqibeeh, Dawud gabat ken biyaakam faxe. Kaak iyyeemih, «Gexay Israayil kee Yuudah ummattak loowo abaay yakkeenih gide wagit» iyye.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 16:7

Acad sarrak Assuuriyah malikih yen Tiglat-Fileeser fan farmo ruube. Iyyeemih, «Anu atu aba axcinnaanim abaah, ku amrih yan num kinniyo. Tonna'mmay ta saaku yoh amay, Suuriya kee Israayil qaskaray yoh gaaddahiyyak yoo cat» 'yaanam farmoh ruube.

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 19:12

Yi kaxxa abbobti duma yan daban, Goodan kee Caaran kee Resef migaq luk ten magaalooli qeebit xabba heenih bayseeni'mmay, woo mari elle aamanuk suge yallitte keenih xiqtem mali. Talassar deqsitta'kkel suge Qadan mara seleh immay, too marih yalli kaadu tu keenih maxiqinna.

1 Aydaad 5:6

Baqalaay Beera xale. Beeraay Ruubenik rade marak saqalah yen numuuy; Tiglat-Fileeser deqsita numuy Assuuriyak malikih yenehiyya seewah kaa bee.

1 Aydaad 9:1

Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.

2 Aydaad 28:20

Tiglat-Fileeser deqsita Assuuriyah malikiy usuk farmo akah ruubehiyya yemeeteh immay, usuk kaak faxe cato hinnay, gibdaabina kaal baahe.

2 Aydaad 30:6

Farmoh ruuben mari, malik kee malik gubal taamita mari keenik elle iyye innal, inkih tan Yuuda kee Israayil rasu gexeeniih; yuktuben warkat akriyuk, keenik iyyeenimih, «Israayil maraw, YALLAY Abraahim kee Iscaakaay Yaqkuub doorehiyyal uduura; toh abteenik, siiniy away Assuuriyah marih gabak cate mara kinnihiyyal aduurele.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Qedra 1:5

Tohuk lakal Yuuda kee Benyam kedoh abbobtiiy, seekaay, Leewih yooboke mara kee, tonnah kaadu, Yalli fayxi edde hee mari inkih, YALLIH Qibaadah-Qariy duma yiddigilleh sugehiyya xisaana'gidih, gexoh bical gacen.

Yasaqya 37:12

Yi kaxxa abbobti duma yan daban, Goodan kee Caaran kee Resef migaq luk ten magaalooli qeebit xabba heenih bayseeni'mmay, woo mari elle aamanuk suge yallitte keenih xiqtem mali. Talassar deqsitta'kkel suge Qadan mara seleh immay, too marih yalli kaadu tu keenih maxiqinna.

Yasaqya 37:18

YALLAW, Assuuriyah-amoytitte nummah baadal tan doolatwa bayisseeh; ken baaxooxa abur abeenih caben.