1 Aydaad 5:25 - NABUWWA KEE MALIKWA

²⁵ Takkay immay Yallay ken kaxxa abbobti aqbuduk tenehiyyal dambi lem baaheeniih; kaa cabba heenih; oson yamaateenik naharal, woo baaxol suge maray Yalli baysehiyya aqbuduk suge duyyeeya yuqbuden.

1 Aydaad 5:25 ပူးပေါင်းရင်းမြစ်များ

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

1 Aydaad 5:24

Kedoh abbobti keenik migaaqah Qeefer kee Yisqi kee Alyel kee Qadriyel kee Ermiyaas kee Hodawya kee Yacadiyel deqsitak yenen. Oson inkih qande le qaskaray migaq-gexxo lehiyyak ten.

1 Aydaad 9:1

Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Makaabon 2:12

YALLAY ken kaxxa abbobti dooreh Masrik ken eyyeqqa heehiyya yaqbudeenim cabeenih, ken dariifal yan mari Yalla akak iyyaamay yaqbudehiyyah qibaadat ken lih gacen. Too duyyeh qibaadah gommoh radaanam baaheeniih, YALLIH naqabu isinnil oobisen.

Makaabon 2:17

Takkay immay too makaabonuy Yalli keenih heehiyyah yab cinak sugen. Ken kaxxa abbobti YALLAL luk ten imaan cabeeniih; Yallih aftok duyyeeyâ-qibaada faxeeniih, too duyyeeyah qibaadah gommoh raden. Ken kaxxa abbobti YALLI iyyem abak yeneeni'mmay, ta ado Yallih yab cinteh.

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.