1 Aydaad 4:21 - NABUWWA KEE MALIKWA

²¹ Yuudâ-baxi Saalecik rade mari ah keeni. Leekak abbah yen numuy Qeer deqsita kee, Mareesak abbah yen numuy Laqda deqsitahiyya kee, *baftak bicsen meqe sartan elle bicsan innih ixxiga le maray Beet-Asbeqa deqsita aracal elle taamitaanahiyya.

1 Aydaad 4:21 ပူးပေါင်းရင်းမြစ်များ

1 Aydaad 2:3

Yuuda, Kanqaanah tooboke barray abba akak Suqa deqsitehiyyat lab-xaylok sidoc xale. Migaaqah Qeer kee Onanaay, Saalec deqsitak yenen. Qeer YALLIH garil uma numuk teneeh, tonna leemiik YALLI xayih kaa qide.

1 Aydaad 4:20

Simon xale lab-xaylo, Amnon kee Rinna kee Bencanan kee Tiilon deqsitak ten. Yisqi deqsita num, Doocet kee Bendocet xale.

1 Aydaad 4:22

Saalecik raddem kaadu, Yookim deqsita num kee, Kodeeba deqsita aracal daffeya maraay, wohuk kalah kaadu, Yooqas kee Saraaf deqsitta namma numuy Mooyaabah yooboke agabu abitte. Sarra Beetlacamal gacen. Aham inkih dumî-dabaanal tunkuttube.

1 Aydaad 9:5

Yuudah yooboke Siilok rade marak abbah yen num, Qasaaya deqsitak yen. Kaa kee kay xaylo tokkel gacen.

Nacmiya 11:5

Tohuk kalah Maqseyaahu deqsita num yen. Kaak abba Baaruk deqsitak yen. Baaruk abba Kolhoda deqsitak yen. Kolhodah abba Cadaya deqsitak yen. Cadayah abba Qadaaya deqsitak yen. Qadaayah abba Yoyyaarib deqsitak yen. Yoyyaarib abba Zakariyya deqsitak yen. Ta mari inkih akak radem, Saalec deqsita numuy Yuuda xalehiyyak ten.

Yasaqya 19:9

Talbi-qaalak meqe sara bicisak suge marak niya addigillele.

Yoosuwa 15:44

Kaqiila kee Akdib kee Mareesa deqsitta magaalooli inkih kenim tekke. Toh tittat sagla magaalak ten. Toh lih kaadu woo magaaloolik dariifal sugga 'te gaandoodi inkih kenim tekke.