1 Aydaad 3:2 - NABUWWA KEE MALIKWA

² Sidochaytô-baxi kaak migaaqah Absalaam deqsitak yen. Ta awkih ina Maqka deqsitta barrak ten. Tet abba Gasur deqsitta baaxoh malikik teneeh; migaaqah Talmayi kaak axcuk yenen. Fereyhaytô-baxi migaaqah Qadoona deqsitak yen. Kay ina, migaaqah Caggit deqsitak ten.

1 Aydaad 3:2 ပူးပေါင်းရင်းမြစ်များ

2 Samuwel 13:1

Toh tekkek wadir waqla gexxe. Dawud baxi Absalaam digibe wayte qax-meqe maqanxá luk yen. A awká migaaqah Tamaari deqsitak ten. Dawuduk gersi baxay Amnon deqsitahiyya Tamaari yikcine.

2 Samuwel 14:23

Waqalak wadir kaa baaha'gidih, Gasur fan gexeeh; Absalaam gabat hayya heeh wadir Yarusalaam fan yuduure.

2 Samuwel 14:32

Absalaam kaal gacsemii, «Anu ama 'yaanamih farmo koh ruubeeh mamattito. Tohuk gexxaamah, ‹Gira edde ruuba› keenik exce. Malikil gexxa 'teh, anu Gasuruk akke fan akah emeetem, yoh kaak essertam kok faxe. A baaxo amaateemik, wokkel elle aadem yoh aysuk ten» kaak iyye. Yab tokket mayseedinnay bisoh beeh, iyyemii, «Away malikit angoorowem faxak, kaat elle angoorowe'nna yoh bicis. Hoxissem yoo tekkek, usuk raba yol yackumay» iyye.

2 Samuwel 18:14

Yowab too waqdi iyyemii, «Anu ku yaabat wakti akah ruubam mayyu» inxicca 'yeh, sidiica macaxu luk foore. Too waqdi Absalaamay rooci edde yaniy caxat wanxexxeelih yanit, itta katassa heeh, woo sidiica macaxu afqadot kaak hee.

2 Samuwel 18:18

Absalaam migaq kaak elle xagan baxa luk masuginnaay; tohuk gexxaamah addunyâ bagul yan saaku, ‹Malik Golo› deqsita aracal kaa elle kassitan qamiddu bicsiise. Too qamidduk migaaqah ‹Absalaam qamiddu› iyye. A saaku fanah too qamiddu Absalaam kassitih qamiddul yaaxigen.

2 Samuwel 18:33

Too waqdi malik wariggiteeh, woo magaalak akak yawqen gasok amol yan qaril eweqqa 'yeh weeqe. «Yi Absalaamow! Yi Absalaamow! Woyyow, ku aftok anu rabiyyoy! Woyyow ku aftok anu rabiyyoy! Yi Absalaamow!» iyye.

2 Samuwel 3:3

Nammeyhaak xale baxi kaak migaaqah Kilab deqsitak yen. Too awkih ina kaadu Abiigal deqsitta barrak ten. Ta barra kaak dumal Nabal deqsita numuy Karmel deqsita aracal dabqah yenehiyya abbaxuk yen. Usuk rabe saaku gubnah elle raqte ikkel Dawud tet abite. Sidochaytô-baxi kaak migaaqah Absalaam deqsitak yen. Ta awkih ina kaadu Maqka deqsitta barrak ten. Tet abba Gasur deqsitta baaxoh malikik yeneeh; migaaqah Talmayi kaak axcuk yenen.

2 Samuwel 3:4

Fereyhaytô-baxi migaaqah Qadoona deqsitak yen. Kay ina migaaqah Caggit deqsitak ten. Konoyhaytô-baxi kaak Safatya deqsitak yen. Ta awkih ina Abiital deqsitta barrak ten.

1 Malikwa 1:5

Dawud xaylok Absalaam ciggiltam, ina akak Caggit deqsitta barrah baxay Qadoona deqsitahiyyak ten. Qadoona kaxxa qax-maqaane luk yen. Kay abba usuk faxem abaamah, kaa assacakkuk mananna. Qadoona malik yakkem faxak yen. Tohuk gexxaamah faras-gaari kee mango faariisa kee kontom numuy dacayrih kaat gactu waytahiyya naharal elle bical haysiteh yen.

1 Malikwa 2:22

«Yi-inay, ah macah yok intaa? Tonnal a dardaarinna kaadu edde kaah ucuya yok intam tayse. Usuk yok saqalah yaniih, sek Abiyataar kee Yowab kay qaxa tanim mataaxiga?» teetik iyye.

1 Aydaad 2:23

Tohuk lakal Gasur kee Aramal dardarte abbobti Gilqadat qeebi abteeh; lactam magaala yibbixen. Yaaqir wokkel luk suge gaandoodi kee Kenat deqsitta magaala kee tet dariifal tan mandarwa inkih yibbixen. Woo baaxol suge mari inkih, Makirik rade mara.

1 Aydaad 3:1

Dawud Cebron deqsitta magaalal daffeyak yen saaku xale lab-xaylo, ah keeni. Naharsi-baxi kaak migaaqah Amnon deqsitak yen. Too awkih ina Acinooqam deqsitak ten. Is elle toobokem, Yidraqel deqsitta magaalak ten. Nammeyhaak xale baxi Daaniyel deqsitak yen. Too awkih ina Abiigal deqsitta barrak ten. Ta barra elle tembem, Karmel deqsita araca.

1 Aydaad 3:3

Konoyhaytô-baxi kaak Safatya deqsitak yen. Ta awkih ina Abiital deqsitta barrak ten. Laceyhaytô-baxi kaadu Yitraqam deqsitak yen. Too awkih ina Qegla deqsitta barrak ten.