1 Aydaad 29:9 - NABUWWA KEE MALIKWA

⁹ Ummat isi fayxiik, num ken dirkise'kkal, mango duyye yeceeniih; mango duyye YALLAH tontocowweemih kaadu tassa iyyen. Malik Dawud tah yuble waqdi, kaadu ruffu iyye.

1 Aydaad 29:9 ပူးပေါင်းရင်းမြစ်များ

1 Malikwa 8:61

Isin, kay maraw, ta saaku akah abten innah, baguuk YALLAY ni Dagelta kinnihiyyal yaamineeh, kay amri kee usuk nek faxam oggola mara tika» 'yaanam iyye.

2 Malikwa 12:5

Kulli sek siinik lakqo kaal baahinnaan numih lakqo, YALLIH Qibaadah-Qariy raagehiyya edde bicsaana'gidih, daanisam kaal tan» keenik iyye.

1 Aydaad 29:10

Tokkel inkih tan ummat elle gaabowte aracal Malik Dawud YALLA faylise. YALLIH faylah iyyeemih, «YALLAW, nanu akak radne Israayil doore Dageltaw, ku migaq kulli way fayla le.

1 Aydaad 29:17

Yi Dageltaw, kulli numuk afqado tagirribem kok aaxigeh; afqado akak digga le num table waqdi ruffu iyya Dagelta kinnitom kok aaxigeh. A duyyey anu inni le kabuk eceehiyya qado-baguuk eceeh inni fayxiik kaadu tet ecee. Tonnah kaadu, ku maray a duyye akke baahehiyya isi fayxiik bagu edde emeqqa 'yeenih baaheenim keenik ubleh an.

2 Aydaad 17:16

Sidochaak abbah tenem, Dikrí-Qamasya deqsita numuk ten. Namma boolih alfih qaskariitak abbah yen. Qamasya isi fayxik YALLAH too taama abam faxa numuk ten.

2 Aydaad 24:10

Ta farmo akah ruuben ummatta kee baaxoh abbobti ruffa 'teeh, lakqo salaqqa heenih baaheeniih, a lakqoh Qibaadâ-Qarih culmal heen sandug kibeenih.

2 Aydaad 31:8

Malik Ciskiyyaahu kee kay gubal taamita mari, mattacok tontocowweh gide yublen waqdi, YALLA fayliseeniih kay mara kaadu fayliseenih.

Qedra 1:6

Ken cuggaaneh suge mari mango duyye catoh keenih yeceeh; lakqok bicsen duyyeey, dahabaay, taama edde aban duyyeeyaay, merraytu kee saq kee, kalah tan duyyey limo gibdihiyya keenih yeceen. Tohuk kalah kaadu, Yallih Qibaadah-Qarih isinni fayxiik ruuban duyye keenih yeceen.

Makaabon 5:9

Yi afqado Israayil qaskarih abbobti lih tan; isi fayxiik qeebi abe mara lih yok tan. YALLA fayla taafay!