1 Aydaad 29:29 - NABUWWA KEE MALIKWA

²⁹ Kay aydaadak qimbooy ellecabo Samuwel kee Naatan kee Gaad deqsita sidooca nabih aydaadi elle yan kitoobal geytinta.

1 Aydaad 29:29 ပူးပေါင်းရင်းမြစ်များ

2 Samuwel 24:11

Dawud saaku xiinik ugutak dumal, YALLI, Gaad deqsita nabiy Dawuduh Yallih farmo baahak yenehiyyak iyyeemih,

1 Malikwa 11:41

Taway edde yabba inneemik kalihimiy Suleeman abba heehiyya kee, kay mano elle tene'nnaay, usuk kasak luk yeneh gideh agantah, ‹Suleeman Aydaada› deqsita buukul geytinta.

1 Malikwa 14:29

Wohuk kalah taniimiy Racabqam abba heehiyya Yuudâ-Malikwah-Aydaada deqsita kitaabih addal tan.

1 Aydaad 29:30

Too kitoobal tanim macaay inteenik, usuk ummat elle xiinisak suge inna kee, usuk qandek luk yene inna kee, kaa kee Israayil ummat kee kay dariifal ten doolatwat tikka 'tem inkih, too kitoobal geytinta.

1 Aydaad 9:22

Yallih Qibaadah-Qarih afat dacayrih yan mari sittat namma bool kee taban kee namma num akkuk yen. Ken migooqa kee akak raden marih migooqa, oson elle sugen mandarwal kitaabal tunkuttubeh ten. Malik Dawud kee nabi Samuwel a taamak amo wagtaanam, oson akak raden marih gabal heen.

2 Aydaad 12:15

Racabqam qimbooy ellecabo fanah abba heem kee kay buxah marak nasab elle geytintam, Nabi-Samaqya-Aydaada kee Nabi-Qiddoh-Aydaada deqsitta namma kitaaba. Racabqam kee Yarobqam addunyal yenen saaku, kulli way carbi tittat abak sugen.

2 Aydaad 25:26

Tahak kalih qaaday Amaxya reedda 'yeemiiy rabba 'yam fanah abba heem inkih, ‹Yuuda kee Israayil Malikwah Aydaada› deqsita kitaabal tan.

2 Aydaad 9:29

Wohuk kalah taniimiy Malik Suleeman abak yenehiyya qimbok xabba haanamaay ellecabot akak amma 'yaanam yan aydaadi elle geytimam, Nabi Naatan Aydaada deqsita kitab kee Siilô magaalal yen nabi Aciiya yuktube kitab kee, nabi Qiddo, Nabát-Yarobqam giddinaamak yuble wacyih kitaabal geytinta.

1 Samuwel 22:5

Ayrok teena Nabi Gaad Dawudul yemeeteeh kaak iyyeemih, «A aracay amô-reebu lel mambooroqinay, Yuudâ rasu fan gex» kaak iyye. Too waqdi Dawud Ceret deqsitta garbo fanah gexe.

1 Samuwel 9:9

«Ah meqe yaabak, nee bey hay» iyye. Too waqdi woo Yallih num elle yani'kke fan gexen. Woo magaala elle tan koomah amo awaquk sugen waqdi, lee baaha'gidih gexa baxuw keenit yongoorowe. Woo baxuuwuk, «Tu-yaaxigi magaalal elle yanii?» iyyen. Woo dabaanal Israayil baaxol nabik ‹Tu-yaaxigi› axcuk yeneenih, num Yallal tuk teena esseram faxek, ‹Tu-yaaxigil nee bey› axcuk yenen.