1 Aydaad 29:22 - NABUWWA KEE MALIKWA

²² Tohuk gexxaamah, uqubba heeniih, maaqo akamuk, farcatat YALLIH qiidih asen. Dawud baxa Suleeman nammeyhaak malik aben. Too saaku YALLIH migaq edde xagak, malik yakke'gidih kaa yuskuteeniih isinni malik kaa aben. Kaxxa-seekih kaadu Saaduk yuskuten.

1 Aydaad 29:22 ပူးပေါင်းရင်းမြစ်များ

1 Malikwa 1:31

Too waqdi Batsabaq kay massakaxxah qununna 'te. Sarrak, «Yi amoytih qumri yaxxeeray» kaak inte.

1 Malikwa 1:33

keenik iyyemii, «Cokmi abbobti isinni lih hayya haay, yi Suleeman yi bakilit korissi haay Gicoon buyyi fan kaa beya.

1 Malikwa 2:35

Too waqdi Suleeman, Yowab luk suge qaskar abbootan Banaayah yecee. Abiyataar luk suge seekah abbootan Saadukuh yecee.

1 Aydaad 12:40

Kilbat le kabut raqta baaxoy Issakar kee Dablon kee Naftaali kedo elle tanihiyyay Cebroonuk xeeruk raqtahiyyaak, danoona kee gaala kee baakil kee awurwal, riyen bulul kee sublâ-xayloy kafseenihiyya kee kafsen qinab-xaylo kee qinabak bicsen kamri kee caxâ xaylok bicsen *zeyti (saliid) eerra heenih tokke baahen. Tohuk kalah kaadu, laa kee illiy yasguudoonu waanahiyya baahen. Ta axxul le bica kee mattacoy ummatta bahtehiyya Dawud dardaareemih fayxih farcatah aben.

1 Aydaad 23:1

Dawud idooliteeh, qumrik kaxxa caddo gufe saaku, isi baxa Suleeman Israayil rasul reediseeh malik kaa abe.

2 Aydaad 7:10

Tohul ciggilta ayroy sanatak malcinhaytoh alsaay ayrok labaatanna kee sidochaytoh ayro kinnihiyyat Suleeman, yemeete mara, le baaxo fanah rubsuuse. Amma 'ye mari inkih, YALLI Israayil ummatay isi marah tanihiyya kee, Dawud kee Suleemanat hee barkat yubleenimih sabbatah, kaxxam ruffa iyyen.

Nacmiya 8:12

Too waqdi suggu 'ye mari inkih yakkeemiik buxah yuduureeh; kitaabal taniimit radeenimih sabbatah, walamwallitak maaqo yokmeeniih yooqobeenih, luk sugeenim tu aalle waa marah yeceen.

Yacedkel 46:10

Baaxoh abba ummat culta waqdi culay. Ummat tawqe waqdi yawqay.