1 Aydaad 29:20 - NABUWWA KEE MALIKWA

²⁰ Too yaabak gaba kale waqdi ummatak, «YALLAY sin Dagelta kinni faylisa» iyye. Too waqdi suggu 'ye mari, YALLAY oson akak raden ken kaxxa abbobti doorehiyya fayliseenih. Qununna 'yeenih, baaxol gommoh radeenih, YALLA yessekexxeeniih; isinni malik kaadu yessekexxen.

1 Aydaad 29:20 ပူးပေါင်းရင်းမြစ်များ

1 Malikwa 8:15

Tohuk lakal iyyeemihii, «YALLAY Israayil doore Dagelta kinnihiyya fayla taafay. YALLI isi gabat y'abba abe xagna duuduse» iyye. Kaadu qagseh, iyyemii, «YALLI duma y'abbak,

1 Aydaad 16:36

YALLAY Israayil doore Dagelta kinnihiyya faylisa. Away kaa faylisa; daayiman kaa saarisa. Too saarek gaba kalla heen waqdi, sugga inte ummatta «Aamiin, aamiin! YALLA fayla taafay!» axcuk yukkuqeenih.

2 Aydaad 20:21

Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

Nacmiya 8:6

Too waqdi Qedra iyyeemih, «YALLAY Naba Dagelta kinnihiyya fayla taafay» iyye. Tokkel suge mari inkih, usuk toh iyye waqdi, gaba qaran fan fayya haak, «Aamiin, Aamiin» iyyen. Sarrak inkih YALLA yassakaxxeeni'gidih, gommoh raden.

Nacmiya 9:5

Leewih yooboke marak Yaasuwa kee Kadmiyal kee Baani kee Casabnaya kee Sereebiya kee Hoodiya kee Sebanya kee Fatacya deqsita num iyyeemih, «Ugutay YALLAY sin Dagelta kinnihiyyay kulli way waarahiyya faylisa» iyyen. Dooqah iyyeenimii, «Kooh taguude fayla sahdayti afat takke faylak nabuk raqta'mmay tohuh, ku migaaqay nabna lehiyya kulli way faylisoonay.

Yacedkel 46:10

Baaxoh abba ummat culta waqdi culay. Ummat tawqe waqdi yawqay.

Yoosuwa 22:33

Baaxo gufen waqdi, elle gexen mari keenik iyyem keenih warsen. Israayil mari ah yoobbe waqdi, ruffu 'yeeh Yallah fayla gacsen. Tohuk wadir ken kee Ruuben kee Gaadah yooboke marih fanal rade raare qeebiy a marat abenno iyyeenih sugeenihiyya tokket yeede.

1 Samuwel 12:18

Tohuk lakal Samuwel YALLA kallaceeh, too ayrot edde YALLI kakkaqo kee rob ruube. Too waqdi ummatta inkih YALLA kee Samuwelik meysitteh.