1 Aydaad 29:17 - NABUWWA KEE MALIKWA

¹⁷ Yi Dageltaw, kulli numuk afqado tagirribem kok aaxigeh; afqado akak digga le num table waqdi ruffu iyya Dagelta kinnitom kok aaxigeh. A duyyey anu inni le kabuk eceehiyya qado-baguuk eceeh inni fayxiik kaadu tet ecee. Tonnah kaadu, ku maray a duyye akke baahehiyya isi fayxiik bagu edde emeqqa 'yeenih baaheenim keenik ubleh an.

1 Aydaad 29:17 ပူးပေါင်းရင်းမြစ်များ

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

1 Aydaad 29:16

YALLAW, ni Dageltaw, a saaku a gid takke duyye bahneeh, gaabosne. Akah bahnem, kooy *kudduusuk yanihiyyah migaaqih nabnah qari xisna'gidi. Takkay immay a duyye neh teceem kooy; akak geynem koo.

1 Aydaad 29:18

YALLAW, ni kaxxa abbobtih yen Abraahim kee Iscaak kee Israayil elle aamanuk sugte Dageltaw, a saaku lino meqe niya kulli way isi marih afqadot haay. Ken afqado koo fan hayisay.

1 Aydaad 29:9

Ummat isi fayxiik, num ken dirkise'kkal, mango duyye yeceeniih; mango duyye YALLAH tontocowweemih kaadu tassa iyyen. Malik Dawud tah yuble waqdi, kaadu ruffu iyye.

2 Aydaad 6:30

ken dooqa raabit. Qaraanay ku dabqah yanihiyyak ken dooqa ankacisaay, dambik qafu keenih abaay ken cat. Sahdayti afqadoh addat yascubem taaxigem, dibuk koo. Tonna-kinnuk kulli numuh kay abini elle aninnaan innal keenil uckum.

Ermiyaas 17:10

Takkay immay sahdayti-afqadot tanim taaxigem, yoo YALLA. Sahdayti afqado tacsubeemik magarcita. Kulli numul le qamalih innal mekla; kulli numuk abto elle tan innal kaal mekla» iyye.

1 Samuwel 16:7

YALLIIY Samuwelik annah iyye. «Anu doore num a num hinna. Woo num xeeriih qaxmeqe numu. Takkay immay qax-maqaane kee xexxaarat tu kaak mawan. Anu sahda kinni mara elle aaxigem, sahda sahda elle taaxige gurra hinna. Sahda, sahdak irô-xagar wagittaah; yoh tu gactek, sahdayti nummaak kinni num kaak wagita» iyye.