1 Aydaad 29:11 - NABUWWA KEE MALIKWA

¹¹ Qaran kee baaxol tanim inkih kuumu. Nabna leeh diifu lem kooy; qande kee nasri lem kooy; hayba dibuk lem koo. YALLAW, abbootan lem koo; kulliimik fula leeh daga raaqa dardar koo.

1 Aydaad 29:11 ပူးပေါင်းရင်းမြစ်များ

1 Aydaad 29:10

Tokkel inkih tan ummat elle gaabowte aracal Malik Dawud YALLA faylise. YALLIH faylah iyyeemih, «YALLAW, nanu akak radne Israayil doore Dageltaw, ku migaq kulli way fayla le.

2 Aydaad 20:6

anay fayya haak dooqa abe. Dooqah iyyeemih, «YALLAW, nanu akak radne ni kaxxa abbobti doore Dageltaw, qaraanal cokmi lem kooy; inkih yan baad xiinissam koo. Qande leeh cayla le Dagelta kinnitooh; kot missowtaah koo aleltam matana.

Nacmiya 9:5

Leewih yooboke marak Yaasuwa kee Kadmiyal kee Baani kee Casabnaya kee Sereebiya kee Hoodiya kee Sebanya kee Fatacya deqsita num iyyeemih, «Ugutay YALLAY sin Dagelta kinnihiyyay kulli way waarahiyya faylisa» iyyen. Dooqah iyyeenimii, «Kooh taguude fayla sahdayti afat takke faylak nabuk raqta'mmay tohuh, ku migaaqay nabna lehiyya kulli way faylisoonay.

Yasaqya 12:4

Yallih mari saare abu waa saaki diggah amaatele. «Ummatey, YALLA saarisa; candu kee fayla kaah aba; YALLAW, axcuk, kaa'lih yaaba. Sahdah addal kaat yaaba. Usuk abe meqe taamaay kay migaq le kaxxa nabna baadal yan marah warisa.

Yasaqya 42:5

YALLI inkih yan qaran gineeh fidseeh; baaxo fidseeh baaxô-bagul ubukku intam yuklukeeh; baadal yan marat rooci kee ufuy hee. Usuk qagseh isi naqasuk iyyemii:

Yasaqya 66:1

YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

Ermiyaas 27:5

Inni kaxxa qande kee duddat ta addunya gineeh, sahdaytu kee alluwway tet bagul tanihiyya kaadu gine. Innih ginem innih faxe numuh yacayu duuda Dagelta kinniyo.

Daaniyel 2:20

Kas kee qande lem Yalla; fayla kulli way kaah takkay.

Daaniyel 4:3

Yalli nee yaybulle qagabak tanim manxu nabna le; usuk abe ablewaynuh tanim kaxxa cayla le. Waara malikih tanim, Yalla. Kulli way mulki lem, Yalla.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Daaniyel 4:32

sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

Yoosuwa 3:13

Seekay inkih tan addunyah Dageltah yan YALLIH Qahdih Sandug quukah tabbixehiyya weeqaytuk tabta'gidih iba woo leeh addat hayta waqdi, Ordon weeqayti caxitak maraaqa. Too waqdi caxitak sugte lee inki aracal gaaboowele› siinik iyye» 'yaanam keenik iyye.

1 Samuwel 15:29

Waara YALLAY Israayil doorehiyya diraabat mayaabaay iyyeemit mayaduura. YALLI, sahdayti innah, waqdiiy tu m'iyya» kaak iyye.