1 Aydaad 29:1 - NABUWWA KEE MALIKWA

¹ Malik Dawud inkih tan ummatak iyyeemih, «Yalli malikih siinih doorem, yi baxa Suleemana. Takkay immay usuk ahayduma qunxa numuuy; taama elle aban innih ixxiga mali. Away xisneh kaa qambaltam, malik-qari hinnaay, Dageltah yan YALLIH Qibaadah-Qari. Tonna-kinnuk mango taama faxxiimele.

1 Aydaad 29:1 ပူးပေါင်းရင်းမြစ်များ

2 Samuwel 3:39

Anu a saaku Yalli doore malik kinniyoh immay, boolaatem innik ableh an. Xaruyâ-xaylo yab yok taabbu cinteh; umam abe numul YALLI umam baahay» iyye.

1 Malikwa 1:20

Malikow, Israayil mari yakkeenimiik atu isi lakal malik abtu wayta num ken taysixxigem kok faxan.

1 Malikwa 3:7

YALLAW, yi Dageltaw, yooy ku-naqasuh-yanihiyya yi abbah aracal hayte. Tonna'mmay anu ahayduma qunxa num kinniyoh, sahda elle xiinisa inna matteexega.

1 Aydaad 22:2

Ayrok teena Malik Dawud allî-baaxoh maray Israayil addal yanihiyya inki aracal gaaboyseeh, aboonu waan taama keenil yecee. Too marak garab Yallih Qibaadah-Qari edde xisoonu waan xeetih bicat hee.

1 Aydaad 22:5

Dawud isi niyal heemih, «Yi baxi Suleeman xisu waa Yallih Qibaadah-Qari kaxxam meqeeh addunyal edde yabba 'yan qari yakkeemi» 'yaanam niyat heeh yen. «Yi baxi ahayduma qunxa numuy taama elle aban inna aaxige waahiyya kinnuk, anu naharal bica kaah abeh sugam tayse» 'yaanam yucsubeh yeneeh; a bica naharal akah abem tohuk ten. Tohuk gexxaamah rabaamak dumal, Qari-bicsah faxxinta duyyek mangom aracal heeh suge.

1 Aydaad 28:1

Malik Dawud inkih tan Israayil abbobtih seeco abe. Keenih akah seecem, Yarusalaam magaalal gaaboowaana'gidik ten. Too seecol kedoh abbobti kee, kay dardaarinni maadda haa baaxol doolat abbobtih yan mara kee, gulub-gulubuk abbobtih yan mara kee, malik kee kaak lab-xaylo edderra hayte midirik amo wagitak yan mara kee, kay qaril abbootan luk yan mara kee, qaskarak foocat tan qaskar kee, wohuk kalah yan maray muxxo lehiyyak num maraaqinnay, inkih Yarusalaam magaalal gaaboowen.

1 Aydaad 28:10

YALLI isi Qibaadah-Qarih xissa'gidih koo doorem kassa haay mahawweenin. Tahaysa kay qarih xisnet cultaamaay gaba kalla haytam fanah, fanat akak aade waytaama» 'yaanam kaak iyye.

1 Aydaad 28:8

«Hay taway, yi ummatey, ni Dagelti yoo elle yaabbeeh, siiniy YALLIH ummat kinnihiyya yoo elle tablen ikkel, yaabah aniih; YALLAY ni Dageltah yani nee amrissa heem cubbusak abtaanam siinil cabah an. Tah duudussa hayteenik, ta baaxoy usuk siinih yeceehiyya sin ikoyta akkeleeh; baxak baxal ikoytah siinik raaqele» 'yaanam iyye.

1 Aydaad 29:19

Yi baxa Suleeman ku xinto kee amriiy atu intem baguuk aba'gidih, fayxi kaah ucuyaay; a Qibaadah-Qariy xisnê-duyye akah eceehiyya xisa'gidih, fayxi kaah ucuy» 'yaanam axcuk Yalla luk yaabe.

2 Aydaad 1:2

Ayrok teena Suleeman, Israayilik alfi-alfi kee bool-boolul kurrunte qaskarak abbobtih yen mara kee, cokmi-abeenit kee inkih yan Israayilik kedoh abbobtih yan marah inkih seeco abe.

2 Aydaad 13:7

Sarrî-daban kaadu anfiqe sinni maritteeta gaabossa heeh, kaak raaqe baxay woo saaku qunxaaneey ixxiga boola kee kasih dagna lehiyyat qeebi abe.

Ermiyaas 30:18

YALLI kaadu iyyeemih: «Yaqkuubuk radde kedooda le baaxo fan gacseyyo; num numuh keenih xuwaaweyyo. Yarusalaam magaala nammeyhaak xissiimele; teetil suge malik qariy yiddigillehiyya xissiimele.