1 Aydaad 28:9 - NABUWWA KEE MALIKWA

⁹ Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

1 Aydaad 28:9 ပူးပေါင်းရင်းမြစ်များ

1 Malikwa 3:6

Suleeman YALLAK iyyemii, «Yi-abba-Dawuduy ku naqasuh yenehiyyah kaxxa kacanu luk sugteeh; usuk kaadu baguuk kol yaamineeh, cakki-kee qadaalat-le numuk ten. Atu kaah abak sugte maqaane kaak mayseedinnitooy, a saaku kay baxa kay qarkaytol hayte.

1 Malikwa 8:39

ken dooqa raabit. Qaraanay ku dabqah yanihiyyak ken dooqa ankacisaay, dambik qafu keenih abaay ken cat. Sahdayti afqadoh addat yascubem taaxigem, dibuk koo. Tonna-kinnuk, kulli numuh kay abini elle aninnaan innal, keenil uckum.

1 Malikwa 8:43

too dooqa kaak raabitaay koo akah kallacem kaah ab. Isih dabqah elle tan qaraanak kay yab oobbey. Tonnal, Israayil ummattak kaxxih, addunyal enna 'ta ummatta koo aaxigeleeh ku amri duudusele. Toh lih kaadu, a qariy anu xisehiyya koo elle yaqbuden qari kinnim aaxigelon.

1 Malikwa 8:61

Isin, kay maraw, ta saaku akah abten innah, baguuk YALLAY ni Dagelta kinnihiyyal yaamineeh, kay amri kee usuk nek faxam oggola mara tika» 'yaanam iyye.

2 Malikwa 20:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

2 Malikwa 21:22

YALLAY usuk akak rade kay kaxxa abbobti doorehiyya cinna heeh usuk aba iyyam abam cineh.

2 Malikwa 22:2

Yoosiyaahu YALLI kicna taama abak yen. Isi kaxxa abba Dawuduk kaxxih, Yallih gita kataatak yeneeh, agaagul sinnim Yallih xinto intam abak yen.

1 Aydaad 22:19

Tohuk gexxaamah, taway YALLAY sin Dagelta kinnihiyyal isinni afqado kee niyaak taduureenimi. YALLIH Qahdih-Sandug kee Yallih qibaadah nabbixe duyyey taahirik tanihiyya addal akak haytaana'gidih, Dageltah yan YALLIH nabnah Qibaadâ-Qari xisa» 'yaanam keenik iyye.

1 Aydaad 28:8

«Hay taway, yi ummatey, ni Dagelti yoo elle yaabbeeh, siiniy YALLIH ummat kinnihiyya yoo elle tablen ikkel, yaabah aniih; YALLAY ni Dageltah yani nee amrissa heem cubbusak abtaanam siinil cabah an. Tah duudussa hayteenik, ta baaxoy usuk siinih yeceehiyya sin ikoyta akkeleeh; baxak baxal ikoytah siinik raaqele» 'yaanam iyye.

1 Aydaad 29:9

Ummat isi fayxiik, num ken dirkise'kkal, mango duyye yeceeniih; mango duyye YALLAH tontocowweemih kaadu tassa iyyen. Malik Dawud tah yuble waqdi, kaadu ruffu iyye.

2 Aydaad 12:5

Ayrok teena Samaqya deqsita nabi, Racabqam kee Yuudâ makaabonuy Masri malikih meysik gexxaamah Yarusalaam magaalal gaaboweh sugehiyya fanah yemeete. Too nabi keenik iyyeemih, «YALLAK temeete farmo siinih abbixeeh; YALLI, ‹Isin yoo cinteeniih, anu kaadu sin cineh an. Tonna-leemiik Sisak deqsita malikih gabat sin digaaleyyo› siinik iyye» 'yaanam keenik iyye.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 6:30

ken dooqa raabit. Qaraanay ku dabqah yanihiyyak ken dooqa ankacisaay, dambik qafu keenih abaay ken cat. Sahdayti afqadoh addat yascubem taaxigem, dibuk koo. Tonna-kinnuk kulli numuh kay abini elle aninnaan innal keenil uckum.

Qedra 8:22

Kaadu keenik exceemih, «Anu dumah yan saaku Malikik, ‹Ni Dagelti isil yaamine marat barkat haah, darre isit caba mara fan mawagitaay, ken digaalah› 'yaanam exceh sugeemih sabbatah, sarra qaskaray faaris amok qeebi abtahiyya gital umeynitik nee dacrissa'gidih ‹Neh ucuya› 'yaanam, malikik axcem wacarriy yol tekke» exce.

Yasaqya 1:28

Takkay immay YALLIH yab cina maray dambit asahiyya baysele. Kaa cabba hee mara selele.

Yasaqya 38:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah tamaate weeqah weeqe.

Yasaqya 45:19

Anu dibuk tan ikkel sin lih mayaabinniyo; abam faxam siinik maaqurinniyo. Yaqkuubuk rade marak, ‹Yoo akah gorrisa› excem foyya hinna. Anu YALLAAY; edde yaabam, numma le yaaba. Cakki baxxaqqa haa Dagelta kinniyo» 'yaanam iyyah yan.

Ermiyaas 11:20

Takkay immay toh eexege waqdi, inni Dagelta kallacak kaak exceemih, ‹YALLAW, Nabaamak Naba Dageltaw, atu cokmi qadaalatal aba Dagelta kinnito. Sahda tacsubem kee sahda niyat lem table'gidiiy kinnon mara keenik tasmite'gidih ken wagittah. Yol baahaanamak abtam atu isih taaxigeh. Kol cabah an. Yi Dageltaw, yol baahoonu waanamah, keenit abtu wayta digaala abali yoo hay!› axcuk xaaqime» iyye.

Ermiyaas 17:10

Takkay immay sahdayti-afqadot tanim taaxigem, yoo YALLA. Sahdayti afqado tacsubeemik magarcita. Kulli numul le qamalih innal mekla; kulli numuk abto elle tan innal kaal mekla» iyye.

Ermiyaas 20:12

YALLAW, Nabaamak Naba Dageltaw, sahdak adda table'gidih, celta agarraabey qadaalatak tani keenit abta. Afqadot loonum taaxigeh. Tonna kinnuk yi naqboytiitik gacissa cane ablem kok faxa. Yol baaheenim kol caba.

Ermiyaas 22:16

Masaakiina kee tu'dagoytiitih cakki aba numuk ten. Tohuk gexxaamah abinnaanim gabal kaak bicak ten. Tonnah tanim abtam yoo yaaxige numu'mmay,

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 29:13

Baguuk yoo gorrissoonu waytan waqdi yoo geetton. YALLAW, axcuk gaba deerih yoo fan heetton. Too kallacil siinih amaateyyooh, sin baaxo fanah sin gacseyyo. Fixixih elle enna intan baaxo kee aroocay anu sin elle fixixisehiyyak, sin baaxo fanah sin gacseyyo. Tahat yabtam yoo YALLA› 'yaanam siinik iyya.

Ermiyaas 31:34

Too saakuk wadir, qunxa numuuy kaxxa num, nagay yoo aaxigeleeh; tonna leemiik, faxe num isil xayi num akkiiy isi baaxoh numuk, ‹YALLA nagay ixig› akah iyyam maraqta. Duma aben dambi keenih cabeyyooh; baahen qellatak qafu keenih axceyyo. Qahdih keenih culam tohu. Tahamat yabtam yoo YALLA» iyye.

Ermiyaas 9:24

Yoo yaaxigeeh, anu faxam yasmite num yenek, toh kaxxam kinnim yaaxigeemiiy amo elle yamqeemi. Niyaateh meqem tohu. Macaay inteenik, anu sahdah liyo kacni, yambaxe kacanu hinna. Cakki kee qadaalatak tan abto aba Dagelta kinniyooh; yoo ruffu haytam tamaha. Tahat yabtam yoo YALLA kinni» iyye.

Yacedkel 11:5

Tohuk lakal YALLIH *Roocaaniyya yol obte. YALLI Israayil-ummatah warisu waa farmo yol ruube. Yok iyyeemih, «Israayil ummatak intaamah, ‹YALLI iyyaamah: Kee ummatey, isin edde yabtan yab kee edde malissan malak garcik maan.

Yacedkel 38:10

YALLAY Mulki lehiyya Goog giddinaamak iyyaamah, «Too ayro gufta saaku, uma malah malsetto.

Hosiqa 4:1

Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Hosiqa 4:6

Yi mari yoo aaxige weenimih sabbatah bayele. Isin kaadu seekak, yooy sin Dagelta kinnihiyya siinih eyyeeqe xinto cinteenih yoo cinteenih. Tohih sabbatah anu kaadu sin cineeh, sin xaylo yi seeka matakka.

1 Samuwel 12:20

Samuwel keenik iyyemii, «Umaanek mangoomut asseeni'mmay, tohuh mameysitinaay, YALLAK maxxeerinaay, inkih tan afqadook kay taamah taamita.

1 Samuwel 16:7

YALLIIY Samuwelik annah iyye. «Anu doore num a num hinna. Woo num xeeriih qaxmeqe numu. Takkay immay qax-maqaane kee xexxaarat tu kaak mawan. Anu sahda kinni mara elle aaxigem, sahda sahda elle taaxige gurra hinna. Sahda, sahdak irô-xagar wagittaah; yoh tu gactek, sahdayti nummaak kinni num kaak wagita» iyye.