1 Aydaad 28:5 - NABUWWA KEE MALIKWA

⁵ Lab-xaylok mangom yoh yecee. Xalla hee xalaayak addak kaadu yi lakal Israayil ummatih amoytiinuh Suleeman doore. Isih, abbah akak yan Israayil-ummattal yi lakal malikih Suleeman hee leemih, xagana yoh culeh yan.

1 Aydaad 28:5 ပူးပေါင်းရင်းမြစ်များ

1 Malikwa 1:13

Ta waqdiik Malik Dawud fan gexxa xicay, ‹Yi malikow, yi lakal malik takku waytam ku baxa Suleeman, 'yaanamih qahdi yoh culte way, Qadoona malik elle yekkem manna?› kaak inxic.

1 Malikwa 1:20

Malikow, Israayil mari yakkeenimiik atu isi lakal malik abtu wayta num ken taysixxigem kok faxan.

1 Malikwa 1:35

Akke yi dardaarinnih korsil daffeya'gidih yamaate waqdi, kay lakat ama. Yi lakal malik takku waytam kaa. Israayil kee Yuudah ummattak malik yakke'gidih doorem kaa» iyye.

1 Malikwa 2:15

«Akah taaxige innah, yi abbah arac ciggiltaah malik takkem yook teneeh; inkih tan Israayil ummat malikih loowitak sugtem yook ten. Tohim makkinnaay, yi toobokoyti malik yekke. Tohim kaadu YALLAK yemeete amrih tekkeemi.

1 Malikwa 8:20

«Ta saaku, YALLI iyyeemik cabem maliiy duuduseh. YALLI elle iyye'nnal, Dawud aracal Israayil ummatih malik ekkeh an. YALLAY Israayil doore Dagelta kinnihiyya elle yaqbuden qari xiseh an.

1 Aydaad 17:14

Inni mara kee inni dardaarinnak abbah kaa heeyyo; kay dardaarinni baxak baxal raaqele; kay doolat kulli way waarele› kaak inxic» iyye.

1 Aydaad 23:1

Dawud idooliteeh, qumrik kaxxa caddo gufe saaku, isi baxa Suleeman Israayil rasul reediseeh malik kaa abe.

1 Aydaad 29:1

Malik Dawud inkih tan ummatak iyyeemih, «Yalli malikih siinih doorem, yi baxa Suleemana. Takkay immay usuk ahayduma qunxa numuuy; taama elle aban innih ixxiga mali. Away xisneh kaa qambaltam, malik-qari hinnaay, Dageltah yan YALLIH Qibaadah-Qari. Tonna-kinnuk mango taama faxxiimele.

1 Aydaad 29:23

Tonnal Suleeman, isi abbah aracay YALLI keenih yeceehiyyal, malik yekke. Suleeman malik yekkek wadiril, abinnaanim gabal kaak bicteeh, Israayil mari kaadu kaah rammitakaay amri kaak oggolak yenen.

1 Aydaad 29:28

Barak nagay idaltuh yan saaku rabe. Yanim fanah gaddaliino kee caddi wee'kal rabe. Kay lakal kay aracal kay baxi Suleeman malik yekke.

2 Aydaad 9:8

YALLAY ku Dagelta kinnihiyya fayla taafay! Kay migaaqal Yalli isi mara xiinisa malikih koo doore waqdi, kot ruffa iyyem yuybulleeh; toh akah abem, isi ummatta Israayil kicnaamih taaga. Tonnah kaadu, daayiman ken fayya hayuuy, atu qadli kee cakkit ken xiinissa'gidi abeemi» inte.