1 Aydaad 28:4 - NABUWWA KEE MALIKWA

⁴ Tonna'mmay YALLAY Israayil doore Dagelta kinnihiyya yi abbah buxak Israayil dardaarah gaca'gidih yoo dooreeh; yi durruyyatih reeda baxak baxal tabe leemih, YALLI qahdi neh culeh yan. Dardaarinna Yuudâ-kedoh yeceeh, Yuuda addak kaadu yi buxah marah dardaarinna geyaanamih nasiib yecee. Yi buxah marak addak kaadu yoo doorru heeh, inkih tan Israayil ummatih amoyta yoo abe.

1 Aydaad 28:4 ပူးပေါင်းရင်းမြစ်များ

2 Samuwel 5:3

Israayilik saqoltih yan mari toh axcuk Cebroonul kaal yemeeten saaku, Dawud kee Israayil ummatak saqoltih yen mari YALLIH foocal xagana tittah culen. Sarrak kaa yuskuteeniih; usuk tohuk wadir Israayil malik yekke.

1 Aydaad 17:23

«YALLAW, yoo kee yi marah culte xagana xagur. Abeyyo intem neh ab.

1 Aydaad 17:27

Yok radda inteemih reeda baxak baxal akah raqta innah, isi barkat keenit hay. YALLAW, tah kaadu atu isih xagana akah culteemi. Tonna-leemik, atu elle inte innal, yooy ku naqasuh yanik radda 'ya marat barkat kulli way heettom aaxigeh» 'yaanam iyye.

1 Aydaad 5:2

Yuuda, toobokoh addal muxxo le numuk teneeh, dardaarinna le num kaak rade'mmay, naharsi-saqoolinna nagartem, Yuusufuk ten.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 26:1

Diif-rasih-mari Saawuluy Gibqa deqsita aracal yanihiyya fan yemeeteenih iyyeenimih, «Dawud, Cakiilâ-qaley Yasimon deqsita aracak foocah tanihiyyal yan» kaak iyyen.