1 Aydaad 28:20 - NABUWWA KEE MALIKWA

²⁰ Tohuk gaba kale waqdi kaak iyyeemih, «Tahaysa, yi baxaw, niya haysitaay abtaamak agaagul cabba haay digga 'xic. YALLIH Qibaadah-Qarih-taama qimbisaay, faxem takkeemih fanat akak maadayin. Dageltah yan YALLAY yi Dagelta kinni koo elle catele. A taamak gaba kalla haytam fan kol macabay koo elle catak sugele.

1 Aydaad 28:20 ပူးပေါင်းရင်းမြစ်များ

1 Malikwa 6:38

Suleeman malik yekkeemih taban kee inikhaytô-sanatak bacarhaytoh alsak Buul deqsitahiyyat, woo-qarih-xisnek gaba kaleenih. Hununuh kaa lowwa heen xisoh kaa xisen. A-qarih-xisne Suleemanat malcina sanatih gide faxxe.

1 Aydaad 22:13

YALLI, Israayil ummatah Muusal ruube xinto duudussek, tonnal, yi baxaw, kullim gabal kok bicele. A taamal digga xicay agaagul akak cab; tuk mameysitinaay, niya kok baxqe waytay.

1 Aydaad 28:10

YALLI isi Qibaadah-Qarih xissa'gidih koo doorem kassa haay mahawweenin. Tahaysa kay qarih xisnet cultaamaay gaba kalla haytam fanah, fanat akak aade waytaama» 'yaanam kaak iyye.

2 Aydaad 19:11

Kaxxa seekih yan sek Amarya diini qaada wagga haytaamak abbah siinik yan. Yuudâ-kedoh abbah yan Ismaaqíl-Dabadya ayyunta wagga hayta qaadak tu edde taadee saqalah siinik yan. Leewih mari yekke cokmi abinal asem kee ase weem wagita marah yanin. Tonna'mmay tahaysa niya siinik salace ikkal ta taama digga luk abtaanama; YALLI cakkih taamita mara lih siinik yanay» keenik iyye.

Qedra 10:4

A taama absiisaanam kol tan. Nanu koo katayennok, atu nee absis; a taamal digga 'xic» iyye.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 41:13

Macaay inteenik, yoo YALLAY sin Dagelta kinnihiyya qande siinit haah, ‹Mameysitina. Sin cateyyok› siinik axce» iyye.

Caggay 1:13

Too waqdi YALLIH farmoytah yen nabi Caggay kay farmo ummattah warseeh, keenik iyyeemih: «YALLI siinik iyyaamah: ‹Anu sin lih aniih, yi taamay abtaanal siinik baxsime waamah xagana siinih cula› siinik iyyah yan» keenik iyye.

Caggay 2:4

Taway ugutay xisne qimbisa. Niya siinik rade waytay. Wakalih anu sin lih anik, xiso qimbisa.