1 Aydaad 28:13 - NABUWWA KEE MALIKWA

¹³ Tohuk kalah kaah warsem macaay inteenik, seeka kee Leewih yooboke mara exxa-exxal akah kurra hee innaay; YALLIH Qibaadah-Qaril keenil tan taama akah aban innaay; wohuk kalah kaadu, Qibaadâ-Qarih addal Yallih sadgat wagga hayta taama edde aban mingilwa kee duyyeeyah amo akah wagtan innah ken missoysaanaah bical haanamih tiyak kaadu isit celtam kaah warse.

1 Aydaad 28:13 ပူးပေါင်းရင်းမြစ်များ

1 Aydaad 23:6

Dawud Leewih yooboke mara gulub-gulubuh sidooca ikkel kure. Tohumuu, Gerson kee Kohat kee Maraari deqsita sidooca gulubuk ten.

1 Aydaad 28:14

Too duyye kee mingilwa edde bicsaana'gidih, dahabak faxxintah gide kee lakqok faxxintah gide kaah warse.

1 Aydaad 28:21

Qibaadâ-Qari xissu wayta saaku, seeka kee Leewih yooboke mari kaadu addal akak aboonu waan taamah bical yanin. Gabâ naggaarinna elle haah taamah ixxiga elli haa mari a taamal cataanamih fayxih qambaxxaagitak yanin. Wohuk raqqa 'te ummat kee ken abbobti a taamal atu ken akah amrisinnaanim abelon» 'yaanam kaak iyye.

1 Aydaad 9:29

Leewih yooboke marak gersi garabah, gersi duyyey taahirik tanihiyya kee, tonnah kaadu, bulul kee kamriiy, faanus-zeyti (saliid) kee sukti-zeyti kee suruy meqe qerto akak bicsen duyyeh amo wagtaanam gabal keenik heen.

Qedra 8:33

Fereyhaytoh ayrol Yalla kinni ni Dageltih Qibaadah-Qari fan genxeeh, lakqo kee dahab kee kalah tan duyyey bahnehiyyak tu raaqise'kal miizaanal hayya hayneh, Mereemot deqsita seekih gabal hayne. Mereemot Uriyya baxak ten. Kaa'lih inki sek kee Leewih yooboke marih nammay suge. Tohum Fincas baxa sek Alqedar deqsita sek kee Leewih yooboke namma numuy migaaqah Yaasuwá-Yoodabad kee Binnúy-Noqadya akak axcuk yeneenihiyyak ten.