1 Aydaad 28:12 - NABUWWA KEE MALIKWA

¹² Tohuk kalah kaadu, YALLIH Qibaadah-Qarih daaroota kee, woo daarootah dariifal faxxinta qarwa elle xiseh meqe innih tiyakaa, isit cella haytam inkih kaah yescesse. Qibaadâ-Qarih duyye edde haan golitte kee ummatta Yallih sadgatah bahta duyye elle haan golitte elle xisan innak isit celtam kaadu kaah warse.

1 Aydaad 28:12 ပူးပေါင်းရင်းမြစ်များ

1 Malikwa 14:26

Too saaku YALLIH Qibaadah-Qarik duyye elle daanisan aracal sugga 'te duyye kee, malik qaril sugte duyyek Suleemanak-raqte-goobway dahabak bicseenihiyyah agantah inkih bee.

1 Malikwa 15:15

Kay abba kaak dumal YALLIH qibaadah orobta'gidih heeh suge duyye kee, usuk isih YALLIH qibaadah taamat asisa'gidih rikeek heeh suge dahab kee lakqo kee gersi duyye bahha heeh, YALLIH Qibaadah-Qarih addal hee.

1 Malikwa 15:18

Toh yuble waqdi, Aasa YALLIH Qibaadah-Qarih adda kee, isi buxak duyye elle daanisan aracal dahab kee lakqok sugga 'tem weerra heeh beeh, kay gubal doolatat abbootan luk yen marih gabal, Damaskoh magaalal Suuriyah malikih yen Banihadad deqsita malikih acwah ruube. Banihadad Tabrimmon deqsita numuk baxak teneeh; Cedyon deqsita numuk kaadu baxi baxak ten.

1 Malikwa 7:51

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman, kay abba Dawud YALLIH qibaadah loowe duyyey rikeek abbaxuk sugehiyya gaabossa heeh, sarrak Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

2 Malikwa 16:8

Farmo elle ruube maral YALLIH Qibaadah-Qari kee malikwa dabqah elle gacta qarik duyye-elle-daanisan-aracak bee dahab kee lakqo mattacoh kaah ruube.

2 Malikwa 18:15

Ciskiyyaahu lakqok YALLIH Qibaadah-Qari kee, malik-qarik-duyye-elle-daanisan-aracal sugga 'tem inkih kaah yecee.

1 Aydaad 26:20

A marak kalih maray kaadu Leewih yoobokehiyyah, Qibaadâ-Qarih-duyye kee Yallih sadgatah baahan duyye elle haan makaadan-abbootan keenih yeceen.

1 Aydaad 28:11

Dawud, Qibaadâ-Qari elle xisu waa gurra Suleemanah yescesse. Qibaadâ-Qari akak culan arac kee, Qibaadâ-Qarih addal duyye elle daanisoonu waan golitte kee, Kulliimik-Taahiriinoh-Yayse-Goliy dambi-cabsuh culaanahiyya elle xisu waa inna kaah yescesseeh, tohuk kalah tan golittey raqqa 'tehiyya elle xisu waa innih gurra kaah yescesse.

1 Aydaad 28:19

Tohuk lakal kaak iyyeemihii, «Taway koh warisak sugga excem inkih, ta qarih xisne kee teetih faxxinta duyye elle bicsan gurraay, taham yoh warissem YALLAAY; usuk yok aba elle iyye'nnal tunkuttubeh tan» kaak iyye.

Ermiyaas 35:2

«Rekab deqsita gulubuh gacsa mara fan gexaay, YALLIH Qibaadah-Qari fan ken bah. Tokkel Qibaadâ-Qarih golittek golik teena ken culussa haay, qinabak bicsen kamri ken efeq» kaak iyye.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Yacedkel 40:38

Culma akak culan naharsi golik garit, xisen qari yen. Cado akak carrisan saqih cado, naharal elle kaqlisaanam tokkek ten.