1 Aydaad 26:31 - NABUWWA KEE MALIKWA

³¹ Yeriyaahu deqsita num kaadu Cebroonuk radda 'ye marih abbootan kee saqoolinna luk yen. Dawud malik edde yekke morootomhaytô sanatat, Cebroonuk rade marih qaadak adda wagita mara heen. Too numih durruyyat elle tani'nna yaaxigeeni'gidih aben kusaaqisiyyal, Yaqder deqsitta magaalay Gilqad deqsitta baaxol geytintahiyyal, kaxxa ixxiga kee cubbi le maray Cebroonuk raddehiyya yanim geytinte.

1 Aydaad 26:31 ပူးပေါင်းရင်းမြစ်များ

2 Samuwel 5:4

Dawud malik yekke saaku qumrik soddomut yen. Sarrak malikih morootom sanat suge.

1 Malikwa 2:11

Malik Dawud malcina sanat Cebroonul malikih sugeeh, aki soddom kee sidooca sanat Yarusalaamal malikih suge. Sittat morootom sanatih gide Israayil marak malikih suge.

1 Aydaad 23:19

Kohatak sidochaytô-baxi kaadu Cebron deqsitak yeneeh; lab-xaylok fereey luk yen. Migaaqah Yeriyaahu kee Amarya kee Yacadiyel kee Yekamqam deqsitak yenen.

1 Aydaad 29:27

Morootom sanatih gide malikih sugeeh; too morootomuk Cebron magaalal malcina sanat malikih sugeeh; wohuk raaqa soddom kee sidooca sanat Yarusalaam magaalal malikih suge.

Yasaqya 16:9

Tohuk gexxaamah, Yaqder-mari Sibmâ-qinabah akah weeqa innah, anu kaadu weeqah. Cesbon kee Elqaaleh ximo yok tamaate. Macaay inteenik, ummatta ruffo hayta daroy orbisaanahiyya mabla; ummatta ruffo haa kudaar mayan.

Yoosuwa 13:25

Yaqder deqsitta magaala kee, Gilqadal enna 'ta magaalooli kee, Qammon marih baaxok Qarooqer deqsitta magaalay Rabba deqsitta magaalak ayrô-mawqa le kabut raqtahiyyah amma 'yaanam takke baaxo inkih too kedoh yecee.