1 Aydaad 26:12 - NABUWWA KEE MALIKWA

¹² Qibaadâ-Qarit dacayrih yan mara gulub-gulubul kurra heenih; mariiy isi gulubih saqoolinna keenik luk yen. Gersi Leewih yooboke marak kaxxih, Qibaadâ-Qaril aboonu waan taama keenih yeexegeenih yenen.

1 Aydaad 26:12 ပူးပေါင်းရင်းမြစ်များ

2 Malikwa 7:10

Too waqdi wokke cabeenih gexen. Sarrak Samaariyah-magaala yemeeteeniih gasoh afal suge qaskariitah seecen. Iyyeenimii, «Nanu Suuriyah-marih arac genxeeh wokkel num maballinooy, numtin anay kaadu maabbino. Faariisa kee danoona axawat teneeh, siraqwa kaadu Suuriyah mari elle cabba hee innal ten» iyyen.

1 Aydaad 25:8

Ta taamah abittoh yamaaten waqdi, qunxa furraynu yakkay, idaltu yakkay, hinnay kaadu, a taamah abitto dumaak aaxaguk suge num takkay, woo way qusbih barta num takkay, taama abaanamak naharal saami caxxa elle qidda haanah saami elle awqinnaan mari abak yen.

1 Aydaad 26:11

Raqte xayloh migaq Cilkiyya kee Tabalyaahu kee Zakariyya deqsitak yen. Coosâ-marak Yallih Qibaadah-Qarih dacayrit tenem, tittat taban kee sidooca numuk ten.

1 Aydaad 26:13

Gulub-gulubul kurrumma iyyan waqdi, Qibaadâ-Qari fan akak culan mango afak dacayrih elle gacoonu waan afal, saami caxxa keenih qidak yenen.

1 Aydaad 9:23

Tonna leemik, YALLIH Qibaadah-Qarih afat dacayri, adok ado fanah abak sugen.

2 Aydaad 31:14

Leewih yooboke Imna deqsita numih baxay migaaqah Koore deqsita Yallih Qibaadah-Qarik ayrô-mawqa le kabut raqta afa dacrisak yeneeh; Yallih migaaqal baahan mattaco kee wohim elle kuran innih abbootan usuk luk yen.

2 Aydaad 35:15

Leewih marak Asaf gulubut raaqa maray Yallih fayla abahiyya dumaak Dawud kee Asaf kee Heeman kee Yedutun keenih heeh suge aracal gacen. Yedutun Malik Dawuduh Yallak temeete farmo baahak yen nabik ten. Qibaadâ-Qarih afal dacayrih mari isi arac macabinnay dacayrit elle yeedeeh; Elle-Tatriyyi-Qiidih taama Leewih mari ken aftok keenih abe.