1 Aydaad 25:8 - NABUWWA KEE MALIKWA

⁸ Ta taamah abittoh yamaaten waqdi, qunxa furraynu yakkay, idaltu yakkay, hinnay kaadu, a taamah abitto dumaak aaxaguk suge num takkay, woo way qusbih barta num takkay, taama abaanamak naharal saami caxxa elle qidda haanah saami elle awqinnaan mari abak yen.

1 Aydaad 25:8 ပူးပေါင်းရင်းမြစ်များ

1 Aydaad 15:22

Kananya deqsita num, saare elle aban inna ixxiga kaxxam luk yeneeh; tonna-leemiik a marak inkih abba kaa aben.

1 Aydaad 24:31

Keenih ramad le maray Haarunuk radehiyya elle aben innal, saami caxxa keenih qiden. Saqalah yen numuk rade mara takkuu, qunxa toobokoytah yen numuk rade mara takkuu, taama abaanamak naharal saami caxxa elle qidda haanah saami elle awqinnaan mari abak yen. Malik Dawud kee Saaduk kee Acimalek kee, seekah abbobti kee Leewî-kedoh-abbobtiy wokkel sugga 'tehiyya inkih, tohumul sumaaqah raaqen.

1 Aydaad 24:5

A namma marih addat inkihii, Qibaadâ-Qarih abbobti kee, awliyah yan mari yeneeh; tohuk gexxaamah ken gabal taama haanamak naharal aboonu waan taamah saami caxxa qiden.

1 Aydaad 25:2

Naharak dooreenim, Asaf xaylok lab-xayloh fereeyi. Too mari migaaqah Dakkur kee Yuusuf kee Natanya kee Asareela deqsitak yenen. Ta mara amrissaah elle aban inna ken taybulleem, Asafak ten. Asaf Yalli iyyem saarê-gurral warsa'gidih, doorime numuk ten. Asaf amrissam, malikik ten.

1 Aydaad 25:9

Ta namma bool kee bacra-taban kee bacra num gulub-gulubuh labaatanna kee affara exxah heenih yenen. Kulli exxa taban kee namma num keenik akkuk teneeh, kulli exxaay isi abba keenik luk ten. Ken migooqaay saami caxxi elle qiden inni, ah kaa. 1. Yuusufuy Asaf buxah marak rade 2. Gedalya 3. Dakkur 4. Xeri 5. Natanya 6. Bukkiyaahu 7. Asareela 8. Yasaqya 9. Mattanya 10. Simqi 11. Qadarel 12. Casabya 13. Sabuuwel 14. Mattitya 15. Yerimot 16. Cananya 17. Yosbakaasa 18. Canaani 19. Mallooti 20. Eliyaata 21. Cootir 22. Giddalti 23. Macdiyot 24. Romamti-Qeder.

1 Aydaad 26:13

Gulub-gulubul kurrumma iyyan waqdi, Qibaadâ-Qari fan akak culan mango afak dacayrih elle gacoonu waan afal, saami caxxa keenih qidak yenen.

1 Aydaad 26:16

Suffim kee Coosa kaadu ayrô-culma le kabut raqta afa dacrisaanamih saami caxxi keenil yewqe. Tohuk kalah kaadu, Salleket deqsitta afay Qibaadâ-Qarik daga raaqa gitat fan afkunuk raqtahiyyah dacayrih kaadu saami caxxi keenil yewqe. Ta mari dacayrih tokket gacak yeneenim, hununuh keenih yeexegen waktik ten. Naharsi numuh yeexegen wakti gaba kala waqdi, woo numul gersi num ciggiilak, tonnal kulli numuuy isih heen waktil dacayrih edde gacak yen.

2 Aydaad 23:13

Woo baaxol qaadah akah abak sugen innah, Yallih Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Kaadu farcatak yan maray waxxaq iyya kee baanta yaagurehiyya tuble. Qibaadâ-Qaril saare aba mari elle digran duyye luk a qaffaydak foocat yen. Toh tuble waqdi, Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

Nacmiya 12:24

Casaabiya kee Sereebiya kee Yaasuwa kee Binnuy kee Kadmiyal deqsita num Leewih yooboke marak foocat anuk, ken missoyseeniih butta-buttal ken heen. Ta mari namma buttah gacca 'yeh, Malik Dawuduy Yallih numuh yenehiyya elle abak yen innal, Yallih saare aba mara kee yakkuqe marah gacca 'yeenih, Yalla faylisak yenen.