1 Aydaad 24:6 - NABUWWA KEE MALIKWA

⁶ Saami caxxa, marahaay, waqdi keenih qiden. Tohuk lakal Netanél-Samaqya deqsita numuy Leewih yoobokehiyya ken yiysibixen taama migooqa keenik yuktube. Malik Dawud kee kay gubal ten doolat abbobti kee, sek Saaduk kee Abiyatáar-Acimalek kee seekâ-kedoh-abbobti kee, Leewih yooboke maray wokkel suggu 'yehiyya inkih, tohumul sumaaqah raaqen.

1 Aydaad 24:6 ပူးပေါင်းရင်းမြစ်များ

1 Malikwa 4:3

Siisâ-xayloh-nammayay migaaqah Aciiya kee Alicoref deqsitahiyya kutbe-abeenitik ten. Aciilúd-Yacoosafat takkem-yaktubih yen.

1 Aydaad 18:16

Aciitúb-Saaduk kee Abiyatáar-Acimalek diini abbobtih ten. Sawsa deqsita num kaadu malikik kutbe-abeenah yen.

1 Aydaad 23:24

Leewî-kedok yen mari ta marak yeneeh; kulli numuk keenik buxâ-mari yakkeh gide kee edde raaqan gulub yunkuttubeh keenik yen. Ta marak radda 'ye numuy qumrik labaatannaak daga lehiyya YALLIH Qibaadah-Qaril isi taama luk yen.

1 Aydaad 24:31

Keenih ramad le maray Haarunuk radehiyya elle aben innal, saami caxxa keenih qiden. Saqalah yen numuk rade mara takkuu, qunxa toobokoytah yen numuk rade mara takkuu, taama abaanamak naharal saami caxxa elle qidda haanah saami elle awqinnaan mari abak yen. Malik Dawud kee Saaduk kee Acimalek kee, seekah abbobti kee Leewî-kedoh-abbobtiy wokkel sugga 'tehiyya inkih, tohumul sumaaqah raaqen.

1 Aydaad 24:7

Saami caxxi elle yewqe marih migooqa ah teeti. Naharsi num migaaqah Yehoyaarib deqsitak yen. Nammeyhaytô-num migaaqah Yadaqya deqsitak yen. Sidochaytô-num migaaqah Caarim deqsitak yen. Fereyhaytô-num migaaqah Seqoorim deqsitak yen. Konoyhaytô-num migaaqah Malkiya deqsitak yen. Leceyhaytô-num migaaqah Miyyamin deqsitak yen. Malcinhaytô-num migaaqah Hakkox deqsitak yen. Bacarhaytô-num migaaqah Abiyya deqsitak yen. Sagalhaytô-num migaaqah Yaasuwa deqsitak yen. Tabanhaytô-num migaaqah Sekaniya deqsitak yen. Taban kee inikhaytô num migaaqah Elyaasib deqsitak yen. Taban kee nammeyhaytô num migaaqah Yaakim deqsitak yen. Taban kee sidochaytô num migaaqah Cuffa deqsitak yen. Taban kee fereyhaytô num migaaqah Yesebqab deqsitak yen. Taban kee konoyhaytô num migaaqah Bilga deqsitak yen. Taban kee leceyhaytô num migaaqah Immar deqsitak yen. Taban kee malcinhaytô num migaaqah Ceedir deqsitak yen. Taban kee bacarhaytô num migaaqah Haffixxex deqsitak yen. Taban kee sagalhaytô num migaaqah Fatacya deqsitak yen. Labaatanhaytô-num migaaqah Yacedkel deqsitak yen. Labaatanna kee inikhaytô num migaaqah Yaakin deqsitak yen. Labaatanna kee nammeyhaytô num migaaqah Gamul deqsitak yen. Labaatanna kee sidochaytô num migaaqah Dalaaya deqsitak yen. Labaatanna kee fereyhaytô num migaaqah Maqadya deqsitak yen.

2 Aydaad 34:13

Wohuk kalih mariy Leewih yoobokehiyya xisne edde aban duyyeh beyto kee, mango qaynatah tan taamat yan marih amô-wagittot yenen. Wohuk kalah yan mari kaadu taamak tekkeemih kutbe kee Qari dacayrit yenen.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Nacmiya 8:1

Too alsak inikhaytoh ayrot yakkeenimiik Yarusalaamal Leeh Afa deqsitta culmak foocal gaaboowen. Too waqdi YALLI Israayil ummatah Muusal ruube xinto elle tan kitab sek Qedrak, «Neh baaha» iyyen. Qedra too xinto intam digga haah yaaxige numuk ten. Qedra too waqdi too kitab baaheeh; too ayro tokkel labhaay agabu kee kaskassoowe urrih foocal yikriye.