1 Aydaad 24:5 - NABUWWA KEE MALIKWA

⁵ A namma marih addat inkihii, Qibaadâ-Qarih abbobti kee, awliyah yan mari yeneeh; tohuk gexxaamah ken gabal taama haanamak naharal aboonu waan taamah saami caxxa qiden.

1 Aydaad 24:5 ပူးပေါင်းရင်းမြစ်များ

1 Aydaad 24:31

Keenih ramad le maray Haarunuk radehiyya elle aben innal, saami caxxa keenih qiden. Saqalah yen numuk rade mara takkuu, qunxa toobokoytah yen numuk rade mara takkuu, taama abaanamak naharal saami caxxa elle qidda haanah saami elle awqinnaan mari abak yen. Malik Dawud kee Saaduk kee Acimalek kee, seekah abbobti kee Leewî-kedoh-abbobtiy wokkel sugga 'tehiyya inkih, tohumul sumaaqah raaqen.

1 Aydaad 24:4

Sek-Alqedar-duruyyat taban kee laca gexoh kuren. Itaamar-duruyyat kaadu bacra gexoh kuren. Alqedar-duruyyat taban kee laca gexoh akah kureenim, kaak rade gulub Itaamarak rade gulubuk manguk yen.

1 Aydaad 25:8

Ta taamah abittoh yamaaten waqdi, qunxa furraynu yakkay, idaltu yakkay, hinnay kaadu, a taamah abitto dumaak aaxaguk suge num takkay, woo way qusbih barta num takkay, taama abaanamak naharal saami caxxa elle qidda haanah saami elle awqinnaan mari abak yen.

1 Aydaad 26:13

Gulub-gulubul kurrumma iyyan waqdi, Qibaadâ-Qari fan akak culan mango afak dacayrih elle gacoonu waan afal, saami caxxa keenih qidak yenen.

1 Aydaad 9:11

Qadarya. Qadarya Cilkiyyâ-baxaay, Cilkiyya Masullam-baxaay, Masullam Saaduk-baxaay, Saaduk Maraayot-baxaay, Maraayot Aciitub-baxak ten. Aciitub Yallih Qibaadah-Qarih addal seekak abbah yen.

2 Aydaad 35:8

Kay gubal ten doolat abbobti kaadu isinni le kabuk ummat kee seeka kee Leewih yooboke marah sadgat migaaqal laa yeceeniih; tonnal Cilkiyya kee Zakariyya kee Yaciyeliy Qibaadâ-Qarih abbootan luk yenehiyya tittat illi kee wadarak namma alfi kee lica bool sadgatah seekal yeceen. Kaadu sidiica boolih awur gaabossa heenih sadgatah seekal yeceen.

Nacmiya 11:11

Seraaya deqsita sek, Yarusalaamal dabaaqah gacte seekak numuk teenah yen. Kay abba Cilkiyya deqsitak yen. Cilkiyyah abba Masullam deqsita numuk ten. Ta num akak radem Saaduk kee Maraayot kee Aciitub deqsita numu. Aciitub kaxxa seekik ten.

Yasaqya 43:28

Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Yoonas 1:7

Sarrak baddi mari, «A qawwalayla net akah takkem faxxaamih sabab naaxige'gidih, saami caxxa qidnay» tittak iyyen. Saami caxxa qiden waqdi, woo saami caxxi Yoonasal yewqe.

Yoosuwa 18:10

Yoosuwa saami caxxal YALLI keenih loowe baaxo yable'gidih, saami caxxa qide. Tohuk lakal saami caxxal keenih tewqe baaxoo, baaxo geeh suge wayte kedoodah yecee.