1 Aydaad 24:31 - NABUWWA KEE MALIKWA

³¹ Keenih ramad le maray Haarunuk radehiyya elle aben innal, saami caxxa keenih qiden. Saqalah yen numuk rade mara takkuu, qunxa toobokoytah yen numuk rade mara takkuu, taama abaanamak naharal saami caxxa elle qidda haanah saami elle awqinnaan mari abak yen. Malik Dawud kee Saaduk kee Acimalek kee, seekah abbobti kee Leewî-kedoh-abbobtiy wokkel sugga 'tehiyya inkih, tohumul sumaaqah raaqen.

1 Aydaad 24:31 ပူးပေါင်းရင်းမြစ်များ

1 Aydaad 24:30

Maraari xaylok nammayhaytô-baxay migaaqah Muusi deqsitak yenehiyya Macli kee Qeeder kee Yerimot xale. Ta mari inkih Leewi deqsitta kedoh abbobtih yen.

1 Aydaad 25:8

Ta taamah abittoh yamaaten waqdi, qunxa furraynu yakkay, idaltu yakkay, hinnay kaadu, a taamah abitto dumaak aaxaguk suge num takkay, woo way qusbih barta num takkay, taama abaanamak naharal saami caxxa elle qidda haanah saami elle awqinnaan mari abak yen.

1 Aydaad 26:13

Gulub-gulubul kurrumma iyyan waqdi, Qibaadâ-Qari fan akak culan mango afak dacayrih elle gacoonu waan afal, saami caxxa keenih qidak yenen.

2 Aydaad 1:2

Ayrok teena Suleeman, Israayilik alfi-alfi kee bool-boolul kurrunte qaskarak abbobtih yen mara kee, cokmi-abeenit kee inkih yan Israayilik kedoh abbobtih yan marah inkih seeco abe.

2 Aydaad 31:15

Gersi magaalooliy seeka elle sugtehiyyal too taamal Leewih yooboke mari meqe'nnah kaa cate. Too maray kaa catehiyya migaaqah Qadan kee Minyaamin kee Yaasuwa kee Samaqya kee Amarya kee Sekanya deqsitak yen. Oson, keenik taama elle tani'nnal, keenik kaxxih Leewih yooboke marak qunxam kee kaxxaamak tu raaqe'kal, maaqo missal keenih meklen.