1 Aydaad 24:24 - NABUWWA KEE MALIKWA

²⁴ Quddiyeel xaylok, Miika deqsita numu; Miikâ-xaylok Saamir deqsita numu.

1 Aydaad 24:24 ပူးပေါင်းရင်းမြစ်များ

1 Aydaad 23:20

Kohatak fereyhaytô-baxay Quddiyeel deqsitak yene kaadu lab-xaylok nammay luk yeneeh; migaaqah Miika kee Yissiya deqsitak yenen.

1 Aydaad 24:23

Cebron xale xaylok Yeriyaahu barah inkih afat keenik yeneeh; kay lakal Amarya ciggiilak yen. Amarya lakal Yacadiyel anuk yeneeh, Yacadiyel lakal kaadu Yekamqam yen.

1 Aydaad 24:25

Miika toobokoytah yen Yissiya; usuk xale xaylok Zakariyya deqsita numu.

1 Aydaad 28:21

Qibaadâ-Qari xissu wayta saaku, seeka kee Leewih yooboke mari kaadu addal akak aboonu waan taamah bical yanin. Gabâ naggaarinna elle haah taamah ixxiga elli haa mari a taamal cataanamih fayxih qambaxxaagitak yanin. Wohuk raqqa 'te ummat kee ken abbobti a taamal atu ken akah amrisinnaanim abelon» 'yaanam kaak iyye.

2 Aydaad 23:8

Leewi kee Yuudâ mari, sek-Yoyadaqah yab yukkuqeenih keenik akah iyye innah abe. Sabti ayrol labhak sabti ayro taamah gexa mara kee gexe waa mara inkih kaal baahen. Taama gaba kale mara isi buxaaxi fan gexe kalen.

2 Aydaad 31:2

Ciskiyyaahu, seeka kee Leewî mara mango ikkel kurra heeh, kulli marahaay aboonu waan rikek tan taama keenil yecee. Tohumuu, cararisan sadgat xayyoosaanam kee, laa kee illi mattacoy amaanah xiinaanamih astah qidaanahiyya xayyoosaanamaay, YALLIH Qibaadah-Qarih addal aban qibaadat yangaleenimiiy, woo Qibaadah-Qarik mango culmal Yallah fayla kee candu gacsaanam taamah keenih yecee.

Qedra 6:18

Muusal oobe kitab elle inxicca iyya'nnal, seeka kee Leewih yooboke mara, butta-buttah hayya heenih Yarusalaamal Yallih Qibaadah-Qarit aboonu waan taama keenih warsen.