1 Aydaad 23:6 - NABUWWA KEE MALIKWA

⁶ Dawud Leewih yooboke mara gulub-gulubuh sidooca ikkel kure. Tohumuu, Gerson kee Kohat kee Maraari deqsita sidooca gulubuk ten.

1 Aydaad 23:6 ပူးပေါင်းရင်းမြစ်များ

1 Aydaad 23:7

Gerson lab-xaylok nammay luk yen. Migaaqah Laqdan kee Simqi deqsitak yenen.

1 Aydaad 24:1

Haaruun kee Haaruunuk rade marih nasab elle yan inni, ah kaana. Naharak Haaruun lab xaylok ferey luk yen. Too ferey, Nadab kee Abiihu kee Alqedar kee Itaamar deqsitak yenen.

1 Aydaad 26:1

Leewih yooboke maray Yallih Qibaadah-Qari dacrisahiyya heen. Too dacayrit tenem, Korac deqsita gulubuk Koré-Maselemya deqsita num yen. Kaxxa abba kaak Asaf deqsita numu.

1 Aydaad 28:13

Tohuk kalah kaah warsem macaay inteenik, seeka kee Leewih yooboke mara exxa-exxal akah kurra hee innaay; YALLIH Qibaadah-Qaril keenil tan taama akah aban innaay; wohuk kalah kaadu, Qibaadâ-Qarih addal Yallih sadgat wagga hayta taama edde aban mingilwa kee duyyeeyah amo akah wagtan innah ken missoysaanaah bical haanamih tiyak kaadu isit celtam kaah warse.

1 Aydaad 6:1

Leewi lab-xaylok sidoc luk yen. Ken migaq Gerson kee Kohat kee Maraari deqsitak yen.

1 Aydaad 6:16

Leewi lab-xaylok sidoc luk yen. Ken migaq Gerson kee Kohat kee Maraarik ten.

2 Aydaad 23:18

Sarrak Yoyadaq seeka kee Leewih yooboke mara YALLIH Qibaadah-Qaril aban taamah abbootanat hee. Ta mari Malik Dawud ken edde hee taama kee, Muusal obte xinto elle inta innal, YALLIH sadgatah baahan saqih cado cararisaanam taamah luk yenen. Tohuk kalah, Malik Dawud elle iyye'nnal, Yallih saare qiidih asan saakih qaffaydah abbootan keenih yecee.

2 Aydaad 29:25

Malik Ciskiyyaahu, Gaad deqsita nabiy YALLI Malik Dawuduh ruubehiyya kee nabi Naatan Malik Dawuduk ab axcuk sugtem abe. Ciskiyyaahu, Leewî mara kirar kee *begena digirak, giyaagib aagaruk, YALLIH Qibaadah-Qarih addal hee.

2 Aydaad 31:2

Ciskiyyaahu, seeka kee Leewî mara mango ikkel kurra heeh, kulli marahaay aboonu waan rikek tan taama keenil yecee. Tohumuu, cararisan sadgat xayyoosaanam kee, laa kee illi mattacoy amaanah xiinaanamih astah qidaanahiyya xayyoosaanamaay, YALLIH Qibaadah-Qarih addal aban qibaadat yangaleenimiiy, woo Qibaadah-Qarik mango culmal Yallah fayla kee candu gacsaanam taamah keenih yecee.

2 Aydaad 35:10

Tonnal Elle-Tatriyyi-Qiidih yacoonu waan sadgatih bicak gaba kaleenik wadir, seeka kee Leewih yooboke mari, malik keenik elle iyye innal, kulli numuuy isi arac keenik yibbixe.

2 Aydaad 35:4

Dawud kee kay baxa Suleeman duma sin elle kurte innal, gulub gulubuh gacca xicay, Yallih Qibaadah-Qarih taamah, mariiy isi arac siinik yabbaxay.

2 Aydaad 8:14

Isi abbah raatat gexakaay usuk fiiriseh cabe gita kataatak, kulli saaku seekal tan taama kee, Leewih yooboke maray Yallih saare abta kee tonnah kaadu seeka elle catehiyyah, too taama elle kuran innal, keenih warse. Tonnah kaadu, duma kay abba Dawuduy Yallih numuh yenehiyya fiiriseh cabe gita kataatak, Yallih Qibaadah-Qarih afal dacayri abu waa mara heeh, too marah Yallih Qibaadah-Qarih afoofak kulli afal gacu waa maral, taamak tanim kee elle aboonu waan inna keenih yescesse.

Qedra 6:18

Muusal oobe kitab elle inxicca iyya'nnal, seeka kee Leewih yooboke mara, butta-buttah hayya heenih Yarusalaamal Yallih Qibaadah-Qarit aboonu waan taama keenih warsen.