1 Aydaad 23:25 - NABUWWA KEE MALIKWA

²⁵ Dawud iyyeemih, «YALLAY Israayil doore Dagelta kinnihiyya isi marah amaan yaceeh yaniih; YALLI Yarusalaamal isi marih addal isih ken lih anele.

1 Aydaad 23:25 ပူးပေါင်းရင်းမြစ်များ

2 Samuwel 7:1

Malik Dawud buxah isi qaril yeneeh; YALLI kaadu naqboytiitik inkih amaanah kaa abbaxuk yen.

1 Malikwa 8:13

Away koh kaxxam naba qariy dabqih kulli way elle gactu wayta xise» iyye.

1 Malikwa 8:27

«Yi Dageltaw, baaxo koo tabbixeemih dudda geelee? Qaran kee qaraanak ellecabot raqta qaraanitte tabbixu dudda akah gee wayta Dagelta kinnitok, hay, xise-qari-baxi mannal koo abbixele?

1 Aydaad 22:18

Too makaabonuk iyyeemih, «YALLAY sin Dagelta kinni aham fanah sin lih yaniih, kulli kabuk inkih amaanah sin yabbixe. A baaxol suggu 'ye marak yoo yiysiiseeh; too mari ta saaku YALLA kee sin gubat yan.

2 Aydaad 23:18

Sarrak Yoyadaq seeka kee Leewih yooboke mara YALLIH Qibaadah-Qaril aban taamah abbootanat hee. Ta mari Malik Dawud ken edde hee taama kee, Muusal obte xinto elle inta innal, YALLIH sadgatah baahan saqih cado cararisaanam taamah luk yenen. Tohuk kalah, Malik Dawud elle iyye'nnal, Yallih saare qiidih asan saakih qaffaydah abbootan keenih yecee.

Yasaqya 8:18

YALLI yoh yecee xaylo luk akkel aniyo. YALLAY Nabaamak Nabaah dardaarinni korsi Siyon-qaleh amol akak tanihiyya yoo kee yi xaylo Israayil ummatta fanah asta nakkuh nee ruube.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.

Yoosuwa 23:1

YALLI Israayil mara naqboytiitik amaan abek lakal, mango wakti tatreeh; Yoosuwa kaxxam idoolite.