1 Aydaad 23:12 - NABUWWA KEE MALIKWA

¹² Kohat lab-xayloh fereey xale. Migaaqah Qamram kee Yixhar kee Cebron kee Quddiyeel deqsitak yenen.

1 Aydaad 23:12 ပူးပေါင်းရင်းမြစ်များ

1 Aydaad 23:11

Yacat naharsi-saqalah keenik yeneeh; kay lakal Diida ciggiilak yen. Diidâ lakal Yaqus anuk yeneeh, Yaqus lakal kaadu Beriiqa yen. Yaqus kee Beriiqak rade mari daguk yeneeh, tonna-leemiik inki gulubuh loowimak yenen.

1 Aydaad 23:13

Naharsi-baxi kaak Qamram deqsitak yeneeh; Haaruun kee Muusa xaltem kaak ten. Haaruun kee kaak rade mari seekay dibuk Yallih taamat tanihiyya yakkeeni'gidiiy, Yallih duyyey taahirik enna 'tahiyyah abbootan daayiman yaalleeni'gidih, zeytik (saliidik) yuskuten. Tonnal, YALLIH qibaadat yanin waqdi, qaydarus qeerisaanam kee, kay taamat gacaanam kee, kay migaaqal ummatah «YALLI maqaane siinit haay» axcuk dooqa abaanamih caddi geen. Too taama baxak baxal raaqele.

1 Aydaad 6:2

Kohat affara lab-baxa luk yen. Ken migaq Qamram kee Yixharaay, Cebron kee Quddiyeelik ten.

1 Aydaad 6:3

Qamram xaylo, Haaruun kee Muusa kee Miriyam deqsitak ten. Haaruun affara lab-baxa luk yen. Ken migaq Nadab kee Abiihuuy, Alqedar kee Itaamarak ten.