1 Aydaad 21:15 - NABUWWA KEE MALIKWA

¹⁵ Yarusalaam magaala bayisu waa malaykattu ruubeeh; sarrak fanaak, abeyyo iyyeh suge baatik qaadeeh, malaykattuk «Ahaysa idiy. Abtem duddahak» iyye. Woo malaykatti woo waqdi Ornan deqsita numuy kedok Yabuusa deqsita marah yoobokehiyyah aracay darok caffa elle kalaanahiyyah garil soolak suge.

1 Aydaad 21:15 ပူးပေါင်းရင်းမြစ်များ

2 Samuwel 24:16

Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

2 Samuwel 24:18

Too ayrot Gaad Dawud fan yemeeteeh, iyyeemih, «Ugutay Ornan le aracay daro caffak elle baxsaanahiyyal, YALLAH sadgat elle abtu wayta arac bicis» kaak iyye.

1 Malikwa 19:4

Eliyyas inkih tan ayro bacarih tan baaxot ankalaquk assa 'yeh, sarrak uli caxay silal lehiyyah gubal daffa 'ye. Isi niyat «Ahak rabam yoh aysuk ten» 'yaanam iyye. Too waqdi dooqa abeeh, «YALLAW, ah duudaanam hinna. Yi abbobtiy yok duma sugtek ayse waak, rooci yok eyyeq» iyye.

2 Aydaad 3:1

Suleemanak abba Malik Dawud, Yallih Qibaadah-Qari elle xisoonu waan arac dumal elle bicseh suge. Too arac, Yarusalaam magaalal tan Mooriya deqsitta qalek ten. Too arac, tohuk dumal Ornan deqsita numuy Yabuusa deqsitta kedoh aabakuk yenehiyya, daro kee caffa tittak elle baxisak yen araca. Suleeman qari-xisne qimbise.

Ermiyaas 26:18

«Ciskiyyaahu, Yuudâ-marak malikih yen saaku, nabi Miika deqsita nabiy Moreset rasul yoobokehiyya ummatah inkih YALLI kaak inxica iyyem warseh yeneeh, too nabi too saaku iyyemii, ‹Siyon qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele› iyyeh yen.

Ermiyaas 26:9

YALLI, ‹A Qibaadah-Qarik Siilok abem abeyyo› iyyeeh, ‹A magaala num dabaaqah elle gace waa abur abeyyo› iyye; akah intem macaay?» axcuk, yakkeenimiik kaa dadhen.

Ermiyaas 7:12

Siilo deqsita aracal, duma yi qibaadah bicseenih sugen aracal baahem gexay wagita. Too aracal tonnah tanim akah baahem, Israayil maray yi marah yanihiyya baahe dambih sabbata.

Qaamus 7:3

«Too waqdi YALLI keenih racmateeh, keenil ruube raare bala matakka iyye. Yok kaadu, ‹Ama qanaytuy tublehiyya keenit maruuba› 'yaanam iyye.

Qaamus 7:6

Too way YALLI keenih xuwaaweeh, ‹Ruube raare girah bala matakka› iyye.

Yoonas 3:10

Yalli oson uma taamak raaqeenim keenik yubleh. Tohuk gexxaamah keenit abeyyo iyyeh suge digaalak raaqeeh, ken madigaalinna.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Makaabon 10:16

Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.

Makaabon 2:18

Sinam keenit xukkuttaah ken biyaakan waqdi, YALLAL weeqah hayya haak yenen. Too waqdi YALLI keenih xuwaawak yeneeh; makaabantu doorru haak yeneeh, too makaabanti addunyal yanim fanah kaa catakaay, woo makaabantih gabat Israayil mari qaduwwik akah yayse'nnah abak suge.

1 Samuwel 15:11

«Saawul malikih heemih away nadaamitah an. Yoo cineeh yi yab cineh» kaak iyye. Toh Samuwelit kaxxam toomeh, too waqdi inkih yan bar YALLA kallacak xiine.