1 Aydaad 20:1 - NABUWWA KEE MALIKWA

¹ Ciggiila sugumih adday dardorti xeflih qeebih edde gexxahiyyat Yowab qaskarak foocat gacca 'yeh Qammon marih rasuh gaaduh gexeeh yibbixeh. Too gaaduh Malik Dawud magexinnaay, Yarusalaamal elle raaqe. Yowab abbah akak yan qaskar, Rabba deqsitta magaalay keenik inaytâ-magaalah tenehiyyat maro heeniih; sarrak tet yibbixeeniih tet bayseenih.

1 Aydaad 20:1 ပူးပေါင်းရင်းမြစ်များ

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

2 Samuwel 17:27

Dawud Macanaayim gufe waqdi, Qammon rasul tan Rabba deqsitta magaalal yooboke Soobi deqsita numut yongoorowe. Soobi Nacas deqsita numih baxak ten. Kalah kaadu, Makir deqsita numuy Qammiyel deqsita num xalehiyyay Lodabar deqsitta magaalal yooboke kee, Bardillay deqsita numuy Gilqad deqsitta rasuk Rogalim magaalal yoobokehiyyat yongoorowe.

1 Malikwa 20:22

Tohuk lakal nabi, malik-Acabal gexeeh kaak iyyemii, «Gexay uduuray qaskar nagay ugusaay, abinnaan mala cubbil aba. Woh akah axcem, yamaate sanat sugumuh addat Malik-Banihadad nammeyhaak qeebi siinit aba'gidih amaatele» iyye.

1 Malikwa 20:26

Dabaybah addat Malik-Banihadad isi marah seeceeh; Israayilit qeebi aba'gidih, Afeek-magaala fan gabat ken luk gexe.

2 Malikwa 13:20

Eliisaq rabeeh kaa yoogoqeenih. Too dabaanal Mooyabah yooboke mari sugum wakti butta tikka 'yeh amaatuk Israayil mara wararak sugen.

1 Aydaad 19:19

Malik Hadad-Qeder gubat sugte malikwa Israayil mari carbil keenik yeysem yoobben waqdi, Dawud lih bica haysiteeniih, kay gabah gacen. Tohuk wadir Suuriyah-mari Qammon-mara carbil cataanamak raaqen.

Yasaqya 54:16

Gabâ-birta bicsa mara tuklukem yoo; silaacat sinam qidda qaskar gintem yoo.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Yacedkel 25:5

Rabba deqsitta magaala gaali elle yaloole guubuh gacseyyooh; Qammon marih baaxo inkitanuuk illi elle yaloole guub abeyyo. Anu YALLA kinniyom too waqdi aaxigetton› keenik inxic» iyye.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.