1 Aydaad 18:7 - NABUWWA KEE MALIKWA

⁷ Dahabak bicsen mango goobway Hadad-Qederit dacayrih ten qaskar luk sugtehiyya Yarusalaam magaala fan dannabah keenik bee.

1 Aydaad 18:7 ပူးပေါင်းရင်းမြစ်များ

2 Malikwa 11:10

Yoyadaq, Malik Dawud macaxu kee goobuy YALLIH Qibaadah Qaril daanat sugtehiyya qaskar abbobtih yecee.

1 Aydaad 18:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah acayuk raaqe. Dawud qeebi elle abinnaan ikkel, YALLI nasri kaah yecee.

1 Aydaad 18:8

Tohuk kalah kaadu, nacaasak bicsen duyyek mangom raaqise. Too duyye akak beem, Tibhat kee Kun deqsitta namma magaalay Hadad-Qeder malikih elle sugehiyyak ten. Suleeman, Yallih Qibaadah-Qarih addal ten qamidwa kee kaxxa tanak kee, tonnah kaadu, nacaasak bicissa heen duyyeeyay Qibaadâ-Qarih-taama edde abak sugeenihiyya woo nacaasak bicsiise.