1 Aydaad 18:5 - NABUWWA KEE MALIKWA

⁵ Dabaaqah Damaskol yen Suuriyah mari, Malik Hadad-Qeder catoh qaskar ruubeeniih; Dawud qeebil labaatanna kee namma alfi takke qaskar keenik qide.

1 Aydaad 18:5 ပူးပေါင်းရင်းမြစ်များ

1 Aydaad 18:3

Suuriyah malikiy migaaqah Hadad-Qeder deqsitak yenehiyya Furaat weeqaytuk daga raqta exxat raqta baaxo isi gubat gacsa'gidih gexak suge waqdi, Dawud qeebi kaat abe. Hadad-Qeder, Xooba deqsita rakaakayak abbah yen. A rakaakay elle geytimam Cammat deqsita rakaakayih xaquk ten.

1 Aydaad 18:4

Dawud qeebi edde aban gaariirak alfiiy, tonnah kaadu, malcina boolih qaskaritay faras amok qeebi abahiyya kee, ibi qaskarak malcina alfih num kaak yibbixe. Woo faarisik bool takkem gaari edde beya'gidih raaqiseeh, raqqa 'te faariisa xukcuunul yiggileeh iba waysiise.

1 Aydaad 18:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah acayuk raaqe. Dawud qeebi elle abinnaan ikkel, YALLI nasri kaah yecee.

1 Aydaad 19:6

Sarrak Cannun kee kay mari, Dawud naqabu xaamiteenim isinnik yeexegen. Tohuk gexxaamah, Daga raqta Mesbotaamiyah rasu kee, tonnah kaadu, Suuriyah mari elle suge Maqka kee Xooba deqsita namma rasuk faras-gaari kee woo gaarih amok qeebi abta labha bahsiisen. Too mara lakqot xaameeniih, soddom kee affara alfih kiilo lakqok akah yeceen.

1 Samuwel 14:47

Saawul Israayil malik tikka 'yeemih kulli ikkel naqboytiitih isik enna 'ya marat qeebi abak suge. Mooyab-maraay Qammon-maraay Edom-maraay, tonnah kaadu, Xooba kee Filistiin-malikwat inkih qeebi abak suge. Qeebi lih abinnaan marak iisa orbisak yen.