1 Aydaad 18:3 - NABUWWA KEE MALIKWA

³ Suuriyah malikiy migaaqah Hadad-Qeder deqsitak yenehiyya Furaat weeqaytuk daga raqta exxat raqta baaxo isi gubat gacsa'gidih gexak suge waqdi, Dawud qeebi kaat abe. Hadad-Qeder, Xooba deqsita rakaakayak abbah yen. A rakaakay elle geytimam Cammat deqsita rakaakayih xaquk ten.

1 Aydaad 18:3 ပူးပေါင်းရင်းမြစ်များ

2 Samuwel 10:6

Sarrak Qammon mari, Dawud naqabu xaamiteenim isinnik yeexegen. Tohuk gexxaamah, Suuriyah baaxok Beet-Racob kee Xooba deqsitta namma rakaakayak labaatanni alfi qaskariita lakqot bahsiisen. Tonnah kaadu, Toob rasuk taban kee namma alfi qaskariita kee, Maqka deqsitta baaxoh malik kee alfi qaskariita lakqot bahsiisen.

2 Samuwel 8:3

Sarrak kaadu Suuriyah rasuk Xooba deqsita aracal malikih suge Hadad-Qeder deqsita numuy Racob deqsita numih baxak yenehiyyat qeebi abeeh kaak yeyseh. Hadad-Qeder, Furaat weeqaytuk daga raqta exxat raqta baaxo gacsa'gidih, gexak suge waqdi,

1 Aydaad 18:2

Too marak kalah Mooyab marat qeebi abeeh, isi gubat ken hee. Tohuk wadir too mari gabbara kaah acayuk yenen.

1 Aydaad 18:4

Dawud qeebi edde aban gaariirak alfiiy, tonnah kaadu, malcina boolih qaskaritay faras amok qeebi abahiyya kee, ibi qaskarak malcina alfih num kaak yibbixe. Woo faarisik bool takkem gaari edde beya'gidih raaqiseeh, raqqa 'te faariisa xukcuunul yiggileeh iba waysiise.

2 Aydaad 8:3

Camat kee Xooba deqsita rasu qeebit yibbixe.

Qedra 4:20

Cayla leelah tan malikwa Yarusalaam kee inkih yan Furaat Weeqaytuk Ayrô-culma le kabut Raaqa Rakaakay reedisak yenen. Too rasih marak gabbara kee mango lakqo beyak sugen.

1 Samuwel 14:47

Saawul Israayil malik tikka 'yeemih kulli ikkel naqboytiitih isik enna 'ya marat qeebi abak suge. Mooyab-maraay Qammon-maraay Edom-maraay, tonnah kaadu, Xooba kee Filistiin-malikwat inkih qeebi abak suge. Qeebi lih abinnaan marak iisa orbisak yen.