1 Aydaad 18:13 - NABUWWA KEE MALIKWA

¹³ Sarrak inkih yan Edom rasul qaskar heeh, tohuk wadir tokkel suggu 'ye mara Dawud gubat hee. Dawud elle gexinnaan ikkel abinnaan qeebil YALLI nasri kaah acayuk yen.

1 Aydaad 18:13 ပူးပေါင်းရင်းမြစ်များ

2 Samuwel 23:14

Too saaku Dawud amô reebu le aracay uqurah meqehiyyal sugeeh; Filistiin mari Beetlacam magaala yibbixeh yen.

1 Malikwa 11:15

Ah takkeemik naharal Dawud Edom marak qeebil yeyse saaku, kay qaskarak-abbah-yen-Yowab rabe-mara yaaguqe'gidih, wokke gexeh yen. Too saaku kaa kee kay mara Edom rasul laca alsa sugeeniih; sugga 'yaanam fan Edom rasul labhak sugga 'tem selli heen.

1 Aydaad 18:12

Xaruya deqsitta barrah baxay migaaqah Abiisay deqsitak yenehiyya, ‹Qasbô-Golo› deqsita aracal Edom marat qeebi abeeh, too qeebil taban kee bacra alfih num keenik sele.

1 Aydaad 18:14

Tonnal Dawud inkih yan Israayil rasuk amoyta yekkeeh; abbah akak yan mara inkih cakki kee qadaalatat xiinisak suge.

1 Aydaad 18:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah acayuk raaqe. Dawud qeebi elle abinnaan ikkel, YALLI nasri kaah yecee.

1 Samuwel 10:5

Tohuk lakal Gibqa-Eelohim deqsitta magaalay Filistiin-qaskar elle tinfidiggeh tanihiyya fan amaatetto. Too magaalak culmal butta takke nabuwway Yallih sadgat elle aban koomak roorul obtahiyyat garayetto. A nabuwwa *begena kee karambooy fooxima kee kirar aagarukuuy argadukuuy nabuwwah innah yaabakaay xongolak koh sugelon.

1 Samuwel 13:3

Yonaatan Gabaq deqsitta magaalal yan Filistiin qaskarak dago marat qeebi abeh keenik yeyse. Filistiin mari toh yoobbeh. Tohuk lakal Saawul iyyeemih, «Inkih tan Qibraan ummattah *baanta uguraay tekkem keenih warisa» axcuk, farmoytitte ruube.

1 Samuwel 14:1

Ayrok teena Yonaatan, furraynuh yan numuy silac kaah abbaxuk sugehiyyak, «Filistiin mari elle yani'kke fan nee bey» iyye. Takkay immay too gexo isi abbah mawarsinna.

1 Samuwel 18:14

YALLI Dawud lih yeneemih sabbatah, Dawud abba hannaanim gabal kaah bicak ten.