1 Aydaad 16:5 - NABUWWA KEE MALIKWA

⁵ Tohuk abbah Asaf heeh kay gubal Zakariyya hee. Yaqiiyal kee Samiraamot kee Yaciyel kee Mattitya kee Aliyab kee Banaaya kee Yoobad-Edom kee Yaqiiyal *begena kee kirar yaagureenimih taama keenih yecee. Asaf kaadu giyaagib yaagureenim taamah luk yen.

1 Aydaad 16:5 ပူးပေါင်းရင်းမြစ်များ

2 Samuwel 6:5

Too waqdi Dawud kee Israayil ummattak wokkel sugga 'tem inkih, gital YALLIH massakaxxah kaa saarisakaay argaduk gexxe. *Begena kee kiraraay karambo kee giyaagib kee kakac inta duyye aagarukuuy YALLA saarisak yirgiden.

1 Aydaad 16:37

Dawud, Asaf kee kay wadayah yen Leewih yooboke mara YALLIH Qahdih-Sandug elle tani'kkel aban dooqak abbobtih ken hee. Oson too aracal kulli saaku Yallih taama abaanam taamah luk yenen.

1 Aydaad 16:4

Leewih yooboke marak garabak Dawud iyyeemih, «Qahdi-Sandugih foocal, ummat YALLAY Israayil doore Dagelta kinnihiyya taqbude waqdi, isin dooqa abak, YALLA saarisakaay kaa faylisak foocat gacaay; tahak wadir sin taama tohu» keenik iyye.

1 Aydaad 16:6

Tohuk kalah kaadu namma seekiy Banaaya kee Yacadiyel deqsittahiyya kulli way *baanta yaagureenim taamah luk yenen. A baanta elle yaagureenim Yallih-Qahdih-Sandugih foocak ten.

1 Aydaad 6:24

Assiriiy Tacat xaleeh, Tacataay Uriyel xaleeh, Uriyeliiy Quddiyya xaleeh, Quddiyyaay Saawul xale.

1 Aydaad 6:39

Heemanah ramad le numuy Asaf deqsitak migda le kabuk kaak soolak kaa catak yen. Asaf akak rade marih migooqa ah teeti. Asaf Barkiyyâ-baxaay, Barkiyya Simqâ-baxaay

2 Aydaad 29:25

Malik Ciskiyyaahu, Gaad deqsita nabiy YALLI Malik Dawuduh ruubehiyya kee nabi Naatan Malik Dawuduk ab axcuk sugtem abe. Ciskiyyaahu, Leewî mara kirar kee *begena digirak, giyaagib aagaruk, YALLIH Qibaadah-Qarih addal hee.