1 Aydaad 16:1 - NABUWWA KEE MALIKWA

¹ Sandug magaala maadisen waqdi, Dawud Sandug elle hoonuh sooliseh suge siraqih addal heen. Tohuk wadir Yallih-sadgatah cado akak carrisan saq qideeniih, kaadu amaanah xiinaanam taybulle asta takke'gidih Yallah sadgat aben.

1 Aydaad 16:1 ပူးပေါင်းရင်းမြစ်များ

1 Malikwa 3:15

Suleeman xiinik ugte waqdi, Yalli soonol kaa'lih yaabem yeexegeh. Sarrak Yarusalaam magaala gexeeh, YALLIH Qahdi-addat-akak-yan-Sanduguk foocal sollu 'yeh, cado-akak-carrisan-sadgatah saq qide. Tonnah kaadu, amaanah-xiinaanamih-asta-yakke-sadgat abeeh, kaa'lih taamita marah inkih xigla abe.

1 Malikwa 8:62

Tohuk lakal Malik Suleeman kee wokkel suggu 'ye mari inkih YALLAH sadgat aben.

1 Aydaad 15:1

Dawud isi magaalay Dawud-Magaala akak iyyaanahiyyal qarwa xise. Too qarwak kalah kaadu, Yallih Qahdih Sandug edde daanisan Siraq soolise.

1 Aydaad 15:12

Too mari kaal yemeete waqdi keenik iyyeemih, «Isin Leewih marak saqoltih tantoonuuh; tonna-leemiik isinni kee isinni kedoh xayloh taahirik gactaanama. Tohuk gaba kalla haytan waqdi, YALLAY Israayil doore Dagelta kinnihiyyah Qahdih Sandug elle yani'kkek gexxeenih anu akah bicse siraq fanah baahetton.

1 Aydaad 15:3

Sarrî-saaku Dawud inkih yan Israayil marah Yarusalaam magaala yamaateenimih farmo ruube. Woo farmo akah keenih ruubem, Qahdi-Sandug Yarusalaam magaala fanah baahaana'gidik ten.

1 Aydaad 16:2

Dawud sadgatak gaba kalla hee waqdi, YALLIH migaaqal tokkel suge marah inkih dooqa abe.

1 Aydaad 6:16

Leewi lab-xaylok sidoc luk yen. Ken migaq Gerson kee Kohat kee Maraarik ten.

2 Aydaad 1:4

Yallih Qahdi addat akak yan Sandug Yarusalaam magaalal Malik Dawud soolise siraq addat daanat yen. Malik Dawud a Sandug Kiryat-Yaqaarim deqsitta magaalay elle sugehiyyak bahha heeh, Yarusalaam magaalal hee.