1 Aydaad 15:12 - NABUWWA KEE MALIKWA

¹² Too mari kaal yemeete waqdi keenik iyyeemih, «Isin Leewih marak saqoltih tantoonuuh; tonna-leemiik isinni kee isinni kedoh xayloh taahirik gactaanama. Tohuk gaba kalla haytan waqdi, YALLAY Israayil doore Dagelta kinnihiyyah Qahdih Sandug elle yani'kkek gexxeenih anu akah bicse siraq fanah baahetton.

1 Aydaad 15:12 ပူးပေါင်းရင်းမြစ်များ

1 Aydaad 15:1

Dawud isi magaalay Dawud-Magaala akak iyyaanahiyyal qarwa xise. Too qarwak kalah kaadu, Yallih Qahdih Sandug edde daanisan Siraq soolise.

1 Aydaad 15:14

Dawud toh keenik iyyek wadiril, seeka kee Leewih yooboke mari, YALLAY Israayil doore Dagelta kinnihiyyah Qahdih Sandug Yarusalaam fan baahaana'gidih, taahirik gacen.

1 Aydaad 15:3

Sarrî-saaku Dawud inkih yan Israayil marah Yarusalaam magaala yamaateenimih farmo ruube. Woo farmo akah keenih ruubem, Qahdi-Sandug Yarusalaam magaala fanah baahaana'gidik ten.

1 Aydaad 16:1

Sandug magaala maadisen waqdi, Dawud Sandug elle hoonuh sooliseh suge siraqih addal heen. Tohuk wadir Yallih-sadgatah cado akak carrisan saq qideeniih, kaadu amaanah xiinaanam taybulle asta takke'gidih Yallah sadgat aben.

1 Aydaad 24:31

Keenih ramad le maray Haarunuk radehiyya elle aben innal, saami caxxa keenih qiden. Saqalah yen numuk rade mara takkuu, qunxa toobokoytah yen numuk rade mara takkuu, taama abaanamak naharal saami caxxa elle qidda haanah saami elle awqinnaan mari abak yen. Malik Dawud kee Saaduk kee Acimalek kee, seekah abbobti kee Leewî-kedoh-abbobtiy wokkel sugga 'tehiyya inkih, tohumul sumaaqah raaqen.

1 Aydaad 9:34

Too mari inkih Leewih yooboke marih samadak yenen. Kaadu saqoltik yenen. Dabaaqah elle yeneenim, Yarusalaamak ten. Ken migooqa akak raden mari yaakumik ciggiilih elle yan innal tunkuttubeh ten.

2 Aydaad 1:2

Ayrok teena Suleeman, Israayilik alfi-alfi kee bool-boolul kurrunte qaskarak abbobtih yen mara kee, cokmi-abeenit kee inkih yan Israayilik kedoh abbobtih yan marah inkih seeco abe.

2 Aydaad 1:4

Yallih Qahdi addat akak yan Sandug Yarusalaam magaalal Malik Dawud soolise siraq addat daanat yen. Malik Dawud a Sandug Kiryat-Yaqaarim deqsitta magaalay elle sugehiyyak bahha heeh, Yarusalaam magaalal hee.

2 Aydaad 30:15

Elle-Tatriyyi-Qiid edde aben nammeyhaytoh alsak taban kee fereyhaytoh ayro, qiddi sadgatah marqa qiden. Seeka kee Leewî-marak taahirik keenik suge wee mari wohut wacarriyeeh, tonna-leemiik isinni taahirik hayya heenih, YALLIH Qibaadah-Qarih fooca le kabul cararisen sadgat baahen.

2 Aydaad 35:6

Elle-Tatriyyi-Qiidih maraaqe sadgatah qiddaanama. Tahaysa taahirik gacca xicay sadgatah qidan saqa missoysa. Toh abtan waqdi, Israayil mari YALLI Muusal oobise xinto intam abelon» keenik iyye.

2 Aydaad 5:11

Seeka woo sandug daffessa haytek lakal, Taahirik-yan-Aracih-addak tewqe. Woo saaku, seeka akak inxicca iyyan mari faxe gulubuh yaabukoonay inkih gaaboowwa 'yeh, isinni taahirik heen.

2 Aydaad 5:2

Too dabaanal YALLIH Qahdih Sandug, Dawud-Magaalay Siyon deqsitahiyyal sugte. Malcinhaytoh alsat yamaate Iraawô-Dabih-Qiid deqsita qiidih ayro Yarusalaamal kobxen waqdi, Malik Suleeman too Sandug Yallih Qibaadah-Qari fan baahaana'gidih, Israayilik saqoltih yan maraay kedoh abbobti kee makaabonuh seeco abe.

Nacmiya 13:22

Tohuk lakal Leewih yooboke marak, «Taahirrowwa 'xicay, sabti ayro taahirik tan ayro kinnuk, sahda qiidih akah assa innah, magaalah afat dacayrih gaca» keenik exce. Tohuk gaba kale waqdi, «Yallaw, tahal yoo kassit. Ku kacni kaxxa kacanu. Tonna kinnuk, yoo wad» exce.

Yasaqya 52:11

YALLIH Qibaadah-Qarih-duyye quukah beya maraw, wokkek eweqay gexa. Nadaasah tanim gabah maxaginaay, taahirik gacay gexa.

Yacedkel 48:11

Ta aracay taahirik yanihiyya akah yacoonu waanam, sek-Saadukuk radde seeka. Ta mari, gersi Leewih yooboke mari akah abe'nnah, Israayil mara lih gacca 'yeenih uma-taamat maasinnoonuy; yol imaan heeniih too imaanal digga axcuk yi taamat gacen.