1 Aydaad 13:6 - NABUWWA KEE MALIKWA

⁶ Sarrak Dawud kee too mari YALLIH-Qahdih-Sandug baahaana'gidih, duma Baqla deqsitak ten magaalay sarra Kiryat-Yaqaarim 'yaanam migaaqah akah yeyyeeqeenihiyya gexeeniih; too Sandug Yarusalaam fanah baahen. Kiryat-Yaqaarim elle tenem, Yuudâ-rasuk ten. Too sanduguy Yarusalaam fanah baaheenihiyya migaq akak lem, YALLAY dardaarinni-korsi akak galwa leemik daga le kabu raqtahiyya.

1 Aydaad 13:6 ပူးပေါင်းရင်းမြစ်များ

1 Malikwa 8:16

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisu waan magaala dooreh masuginniyo'mmay, yi ummatta xiinissa'gidih, Dawudow, koo dooreh› 'yaanam kaak iyyeh suge» iyye.

2 Malikwa 19:15

YALLA kallace. Dooqah iyyemii, «YALLAW, Israayil doore Dageltaw, ku dardaarinnih korsi galwa leemik daga raqta. Addunya xiinissam, kooy; kook sah Yalli mayan. Qaran kee baaxo gintem koo.

Yasaqya 37:16

«YALLAW, Israayil dooreh, Nabaamak Naba Dageltaw, ku dardaarinnih korsi galwa leemik daga raqta. Addunya xiinissam kooy; kook sah Yalli mayan. Qaran kee baaxo gintem koo.

Yoosuwa 15:60

Kiryat-Baqalay a saaku Kiryat-Yaqaarim deqsitta kee Rabba deqsitta namma magaala kenim tekke. Toh lih kaadu woo namma magaalah dariifal sugga 'te gaandoodi inkih kenim tekke.

Yoosuwa 15:9

Tokkek xabba haanam cuduud keenik Neftowa deqsita buyyik bisoh gexak Qefron qaleh xaqul tan magaaloolih amma 'yaanam fan gufe. Tokkeek Baqala deqsitta magaalay a saaku Kiryat-Yaqaarim deqsittahiyya fan makka 'yaah;

Yoosuwa 9:17

Too waqdi Israayil mari safarah ugteeh; sidiica ayrok lakal, Gibqon mari elle suge magaalooli gufen. Woo magaaloolih migaq Gibqon kee Kafiira kee Beerot kee Kiryat-Yaqaarim deqsitta magaaloolik ten.

1 Samuwel 4:4

Sarrak Nabaamak Naba YALLAY korsi akak galwa-leemik daga le kabu raqtehiyyak Qahdih-Sandug baahu waa mara Siilo fan ruuben. Qeli xayloh nammeyay migaaqah Cofni kee Fincas deqsittahiyya woo sandug baahe mara lih yemeeten.

1 Samuwel 6:21

Kiryat-Yaqaarim marah fan farmo ruubeeniih iyyeenimii, «Filistiin mari YALLIH Qahdi addat akak yan Sandug gacseenihik, amay beya» keenik iyyen.