1 Aydaad 13:5 - NABUWWA KEE MALIKWA

⁵ Tohuk wadir Dawud Israayil ummatak, Masri cuduuduk gabbi-qaxat raaqa aracak, Camat deqsita daabay kilbat le kabut raqtahiyyah amma 'yaanam tan dabaaqah yan marak, «Gaaboowa» 'yaanamih seeco abe. Too seeco keenih akah abem, Yallih-Qahdi edde yan Sandug Kiryat-Yaqaarim magaalak Yarusalaam fan baahaana'gidik ten.

1 Aydaad 13:5 ပူးပေါင်းရင်းမြစ်များ

2 Samuwel 6:1

Dawud kaadu qagseh Israayil rasul tan qaskarih addak soddom alfih qaskariitay doorehiyyak

1 Malikwa 4:21

Suleeman reedah amol akak yenem, Furaat weeqaytuk xabba haanamaay Filistiin kee Masri cuduuduh amma 'yaanam tan baaxok ten. Too mari gabbara kaah acayuk, usuk addunyal suggu 'yem fanah kay gubat sugen.

1 Malikwa 8:65

Qibaadâ-Qaril Suleeman kee inkih tan ummatta Iraawô-Dabih-Qiid deqsita qiidih YALLAY ni Dagelta kinni aynabukuuy africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih mango mari woo qiidih yemeete.

2 Malikwa 25:21

Ribla Camat deqsita rasul tan magaalak ten. Tokke ken baahen waqdi, malik ken qidsiiseh. Yuudâ mara seewah elle beenim tonnak ten.

1 Aydaad 13:4

Ta mala yoobben waqdi yossokooteeniih, «Nabam meqe» 'yaanam iyyen.

1 Aydaad 13:6

Sarrak Dawud kee too mari YALLIH-Qahdih-Sandug baahaana'gidih, duma Baqla deqsitak ten magaalay sarra Kiryat-Yaqaarim 'yaanam migaaqah akah yeyyeeqeenihiyya gexeeniih; too Sandug Yarusalaam fanah baahen. Kiryat-Yaqaarim elle tenem, Yuudâ-rasuk ten. Too sanduguy Yarusalaam fanah baaheenihiyya migaq akak lem, YALLAY dardaarinni-korsi akak galwa leemik daga le kabu raqtahiyya.

1 Aydaad 15:3

Sarrî-saaku Dawud inkih yan Israayil marah Yarusalaam magaala yamaateenimih farmo ruube. Woo farmo akah keenih ruubem, Qahdi-Sandug Yarusalaam magaala fanah baahaana'gidik ten.

Yasaqya 23:3

Masrik orobta tellemmô-daro Suur magaala amaatuk sugteeh; baadal tan ummat duyye elle yaylammeeniih xaamaanam ta magaalak sugte.

Ermiyaas 2:18

Taway Masri fan gexxaanam maca siinih xiqelem siinit celta? Masri mara lih bica akah abteenim, Niil weeqaytuk taaqubeeni'gidi maay kinni? Assuuriyah rasu akah gexxaanam faxxaanam macaay? Assuuriyah mara lih bica akah abteenim, Furaat weeqaytih lee taaqubeeni'gidi maay kinni? Toh kaadu siinih xiqtam mali.

Yoosuwa 9:17

Too waqdi Israayil mari safarah ugteeh; sidiica ayrok lakal, Gibqon mari elle suge magaalooli gufen. Woo magaaloolih migaq Gibqon kee Kafiira kee Beerot kee Kiryat-Yaqaarim deqsitta magaaloolik ten.

1 Samuwel 6:21

Kiryat-Yaqaarim marah fan farmo ruubeeniih iyyeenimii, «Filistiin mari YALLIH Qahdi addat akak yan Sandug gacseenihik, amay beya» keenik iyyen.

1 Samuwel 7:1

Toh yoobbe waqdi Kiryat-Yaqaarim mari yemeeteh, woo sanduguy YALLIH Qahdi addat akak yani beeniih, Abinadab deqsita numih buxah been. Abinadab guubuh koomah amol yen. Kay baxay migaaqah Alqedar deqsitak yenehiyya, woo sandugih dacayrit akah gaca'nnah, YALLIH garil taahirik yan num kaa aben.

1 Samuwel 7:2

YALLIH Qahdi addat akak yan Sandug Kiryat-Yaqaarim addal mango wakti suge. Labaatanni sanatih gide wokkel suge. Ta sandug wokkel suggu 'yem fanah, Israayil mari weeqak, YALLAL gacaanam faxak sugen.