1 Aydaad 12:39 - NABUWWA KEE MALIKWA

³⁹ Tokkel Dawud lih sidooca ayro aseeniih, ken toobokoy baaxo ken lih lehiyya qibnaytiinoh keenih bicisse leek-maaqo adoobitak sugen.

1 Aydaad 12:39 ပူးပေါင်းရင်းမြစ်များ

2 Samuwel 19:42

Too waqdi Yuudâ-mari tohul keenil gacsemii, «Nanu woh akah abnem, malik neh xayi ramad lem aaxaguk neneeh, tohuh abne. Tohoysa malikik nokmem mannuuy, gabak neh abem mali. Hay labhay, siinit toomem macaa?» keenik iyyen.

2 Samuwel 6:19

Sarrak Israayil marak lab-mara kee say marah inkih, gaqamboh ikke kee solal alaysen cadoh ikke kee, kafsen qinab-xaylok tu'baxa takkem keenih keefe. Tohuk gaba kaleenik lakal, kulli num isi buxah keenik gexe.

1 Aydaad 11:10

Dawud agiirah tan qaskar luk yeneeh; too qaskar Israayil ummatta lih gacca 'teh, YALLI elle iyye'nnal, Dawud malik yakke'gidih, cato kaah yekken. Kay dardaarinna maqar bahsiisen.

1 Aydaad 12:38

Ta axxul le qaskaray qeebih bical tanihiyya Dawud Israayil-malik abaana'gidih, Cebron magaala fanah gexen. Too qaskarak kalah kaadu raqqa 'ye Israayil mari yakkeenimik Dawud malik abaanamal titta geenih yenen.

1 Aydaad 12:40

Kilbat le kabut raqta baaxoy Issakar kee Dablon kee Naftaali kedo elle tanihiyyay Cebroonuk xeeruk raqtahiyyaak, danoona kee gaala kee baakil kee awurwal, riyen bulul kee sublâ-xayloy kafseenihiyya kee kafsen qinab-xaylo kee qinabak bicsen kamri kee caxâ xaylok bicsen *zeyti (saliid) eerra heenih tokke baahen. Tohuk kalah kaadu, laa kee illiy yasguudoonu waanahiyya baahen. Ta axxul le bica kee mattacoy ummatta bahtehiyya Dawud dardaareemih fayxih farcatah aben.