1 Aydaad 12:18 - NABUWWA KEE MALIKWA

¹⁸ «Yaaxigen Soddomuk» qaskar abba yakku waa numuy Qamaasay deqsitahiyya too marak numuk teenak ten. Too waqdi Yallih *Roocaaniyya kaal obteeh, isi milkih kaa hayte. Too num too waqdi anay fayya haak yaabeeh, «Yiisâ-baxa Dawudow, nanu ku mara kinninoh, ko'lih nan. Yalla kinni ku Dagelti ku qaxat yaniih; amaan kee wagari ko'lih yanay. Qeebil koo cata mari nasri geyay» iyye. Too waqdi Dawud ken arcibiseeh isi qaskarak abbobtih ken hee.

1 Aydaad 12:18 ပူးပေါင်းရင်းမြစ်များ

2 Samuwel 15:21

Ittay kaal gacseemih, «Gexinnaan ikke ko'lih gexeyyooh, rabtek ko'lih rabeyyoomuh, YALLAY waarahiyyah migaq kee ku manol xiibita» iyye.

2 Samuwel 17:25

Absalaam, qaskar-abbootan Yowab aftok, Qamaasa deqsita numuh yeceeh yen. Qamaasa, Yeter deqsita numih baxak ten. Kedok, Ismaaqilto deqsita marah aabakuk yen. Kay ina Abiigal deqsitta barrak ten. Abiigal Nacas deqsita numih baxák teneeh, Yowabak ina-maqanxák ten.

2 Samuwel 19:13

Kaadu qagseh iyyeemih, «Qamaasak intaanamah, ‹Atu ramad yok kinnito. Ahak wadir Yowab le qaskar-abbootanna koh aceeyyo. Tah abe week, Yallih-bala yol obtay› iyye kaak inxica» keenik iyye.

2 Samuwel 5:2

duma Saawul suge saaku carbi yakke way, ni marih foocat sugtem kook ten. YALLI kaadu isi mara miraacisah dacrisa abba koo abeleemih qahdi koh culeh yen» kaak iyyen.

1 Malikwa 9:22

Suleeman Israayil mara naqoosinnat abbaxuk manannaay; oson kay qaskar kee qaskar abbobti kee gaariira amrisa mara kee faaris amok qeebi abta qaskarah yenen.

2 Malikwa 10:15

Yaahu kaadu safarah gexot yan waqdi, Rekab-baxa-Yonadab gital gee. Too waqdi Yaahu salaamatta kaah abba heeh iyyemii, «Anu ko'lih akah ani'nnah, yo'lih tanii?» kaak iyye. Yonadab, «Yeey, ko'lih an» iyye. Yaahu too waqdi, «Hay tonnal gaba yol ucuy» kaak iyye. Gaba kaal yecee waqdi kaak iyyemii, «Anu YALLIH taamat baguuk elle ani inna, isih table'gidih am» kaak iyye. Yaahu too waqdi isi faras-gaarit kaa korse. Oson nammayak Samaariyah magaala gexen.

2 Malikwa 10:5

Tonna-leemiik malik-gasoh-abbaay magaalâ-xintoh-abbaay makaabon kee malikik-rade-marat dacayrih yen marak inkih, titta geyya heenih farmo kaah ruuben. Iyyeenimii, «Nanu ku taamat gaca mara kinninooh, atu aba axcinnaanim abnuh bical nan. Nanu malikih num mahaynak, atu taysem kot ceelinnaanim ab» 'yaanam farmoh kaah ruuben.

2 Malikwa 9:32

Too waqdi Yaahu gubaak wagga hee waqdi, anay fayya heeh, «Yi qaxa yan marak iyyi yan?» iyye. Sidoc yakke maray malik qaril abbootan lehiyya taagatak addah kaa fan wagga heen.

1 Aydaad 11:11

Too agiirak numuk teeni Yaasobqam deqsita agiruy Cakmoon deqsita gulubuh yoobokehiyyak teneeh; too agirii, ‹Yaaxigen Sidoc› deqsitta buttak abbah yen. Ayrok teena sidooca bool yakke mara lih, inki macaxut qeebi abeeh; too sidooca booluk inkih qeebil iissaay sella ken hee.

1 Aydaad 12:17

Dawud kaa gufaanam afal garayya keenih iyyeh, «Qeebil yoo cata'gidih yemeete mara tekkeenik arciba. Takkay immay yoo ganuh yemeete maray yi naqboytih gabal yoo haa'gidih yemeetehiyya tekkeenik, Yallay ni kaxxa abbobti elle aamanuk sugtehiyya sin ableleeh sin akah digaalele» 'yaanam keenik iyye.

1 Aydaad 2:17

Abiigal Qamaasa xalteeh, abba kaak Yeteriy Ismaaqilto deqsita marah aabakuk yenehiyya.

Yasaqya 59:17

YALLI, qadaalat alil-dacayrî-birtih innah sarteeh, wadu birti-kalabtah innah haysiteeh, canê-gacsa sartan innah sarteeh, bagcarra raraytoh innah haysite.

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Makaabon 13:25

Usuk Daan-Mafdaga deqsita aracay Xorqa kee Estooluk fanal yanihiyyal yan saaku, YALLIH *Roocaaniyya maqar kaat hayte.

Makaabon 3:10

YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh.

Makaabon 6:34

YALLIH *Roocaaniyya Gidqoonul obteeh; usukuuy Abiqederik rade mari kaa elle kataata'gidih, *baanta keenih yoogore.

Ruut 1:16

Ruut teetik inteemih, «Annah tanim yok maxcin. Atu gexinnaan ikke ko'lih gexeyyok, anay yoo inxic» teetik inte. «Atu dabqah elle gacinnaan baaxol ko'lih gaceyyo. Ku mari yi maraay; ku Dagelti yi Dagelta.

1 Samuwel 16:4

Samuwel YALLI kaak aba elle iyye'nnal abeeh, Beetlacam magaala gexe. Tokkel too magaalah-abbobti, Samuwel tuble waqdi, wariggitteh intemii, «Ni abbaw, akah temeetem nagayna innaa?» kaak iyyen.

1 Samuwel 16:5

Too waqdi usuk keenil gacseemih, «Anu akke akah emeetem nagaynaay; YALLAH sadgat aba'gidih emeete. Isin isinni taahirroysay wokke fan yo'lih gexa» keenik iyye. Kalah kaadu Yiisa kee kay xaylok kaadu «Isinni taahirroysay woo sadgat arac fan ama» iyye.

1 Samuwel 22:7

Too waqdi qaskar abbobtik iyyeemih, «Isin, Benyam maraw! Dawud takkeenimik inkih baqurê-baaxo kee, qinab elle taysubuken baaxo siinih aceelem maay takkalen? Hinnay kaadu isi qaskarak abbobti sin abelem maay takkalen?

1 Samuwel 24:12

Koo kee yok qellatat yan num YALLI yabalay. Dagooh nabam kol baahe weemih sabbatah, atu yol bahtah taniimih YALLI koo digaalele'mmay, anu innih koo maxaga.

1 Samuwel 24:13

Dumî-mari missilah, ‹Uma marak umam tawqe› 'yaanam axcuk neh sugen. Tonna-leemik anu innih koo maxaga.

1 Samuwel 24:16

Dawud ta yaabak gaba kale waqdi Saawul, «Yi Dawudow, ah koo?» iyye. Sarrak kaxxam weeqeh, iyyeemih,

1 Samuwel 8:12

Tonnah kaadu, sahdak tu takkem alfi takke qaskarih abbobtih heele. Aki mara tonnah kontom takke qaskarak abbobtih heele. Sin xaylo kay buqre abqurele; kay buqrek daro orbisele. Kay silaacih-bicsat gacele; kay gaariirah-duyyeeya oson bicselon.