1 Aydaad 12:17 - NABUWWA KEE MALIKWA

¹⁷ Dawud kaa gufaanam afal garayya keenih iyyeh, «Qeebil yoo cata'gidih yemeete mara tekkeenik arciba. Takkay immay yoo ganuh yemeete maray yi naqboytih gabal yoo haa'gidih yemeetehiyya tekkeenik, Yallay ni kaxxa abbobti elle aamanuk sugtehiyya sin ableleeh sin akah digaalele» 'yaanam keenik iyye.

1 Aydaad 12:17 ပူးပေါင်းရင်းမြစ်များ

1 Malikwa 2:13

Ayrok teena Qadoona Batsabaq fan yemeete. Batsabaq, Suleeman inak ten. Batsabaq Qadoona teetil yemeetem tuble waqdi, «Akah temeetem nagayna?» kaak inte. Qadoona, «Nagayna» iyye.

2 Malikwa 10:15

Yaahu kaadu safarah gexot yan waqdi, Rekab-baxa-Yonadab gital gee. Too waqdi Yaahu salaamatta kaah abba heeh iyyemii, «Anu ko'lih akah ani'nnah, yo'lih tanii?» kaak iyye. Yonadab, «Yeey, ko'lih an» iyye. Yaahu too waqdi, «Hay tonnal gaba yol ucuy» kaak iyye. Gaba kaal yecee waqdi kaak iyyemii, «Anu YALLIH taamat baguuk elle ani inna, isih table'gidih am» kaak iyye. Yaahu too waqdi isi faras-gaarit kaa korse. Oson nammayak Samaariyah magaala gexen.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

1 Aydaad 12:16

Benyam kee Yuudâ kedoh yooboke marak garab Dawud elle yan aracay amô-reebu lehiyya yemeeten waqdi,

1 Aydaad 12:18

«Yaaxigen Soddomuk» qaskar abba yakku waa numuy Qamaasay deqsitahiyya too marak numuk teenak ten. Too waqdi Yallih *Roocaaniyya kaal obteeh, isi milkih kaa hayte. Too num too waqdi anay fayya haak yaabeeh, «Yiisâ-baxa Dawudow, nanu ku mara kinninoh, ko'lih nan. Yalla kinni ku Dagelti ku qaxat yaniih; amaan kee wagari ko'lih yanay. Qeebil koo cata mari nasri geyay» iyye. Too waqdi Dawud ken arcibiseeh isi qaskarak abbobtih ken hee.

Ermiyaas 32:39

Inkih, inkim edde aboonu waan kas keenit heeyyo. Toh macaay intek, isinni kee isinni xayloh taagah, kulli way dibuk yoo edde yaqbudoonu waan afqado keenit heeyyo.

Zakariyya 3:2

Too waqdi YALLI Seetanak iyyeemih, «Seetanow, YALLI koo yaynaaqalay! YALLAY Yarusalaam doorehiyya koo yaynaaqalay! A num girah addak handifen bocoytih gide. Kaxxa gadaamah addak handifeenih yeyyeeqen numih gide» kaak iyye.

1 Samuwel 16:4

Samuwel YALLI kaak aba elle iyye'nnal abeeh, Beetlacam magaala gexe. Tokkel too magaalah-abbobti, Samuwel tuble waqdi, wariggitteh intemii, «Ni abbaw, akah temeetem nagayna innaa?» kaak iyyen.

1 Samuwel 18:1

Saawul Dawud lih abak suge yaabak gaba kalla hee waqdi, Saawul-baxay Yonaatan migaq luk yenehiyya Dawud kaxxam yossokoote. Isi nabsih kacanuh luk yen inna, kaah yesselle.

1 Samuwel 18:3

Yonaatan Dawudut abeh yan assakootiyyak gexxaamah, aggiriqe sinni fantaaxaw itta luk haysiten.