1 Aydaad 11:23 - NABUWWA KEE MALIKWA

²³ Tohuk kalah kaadu, kaxxam masu naba Masri-num qide. Too num xexxaarah namma mitrik amo gexak yeneeh, silaacah kaxxa masu le macaxu luk yen. Banaaya naharak gabah caxxat kaa yoogoreeh, sarrak gabat luk suge macaxu gabak kaak bukkussa heeh, woo macaxut kaa qide.

1 Aydaad 11:23 ပူးပေါင်းရင်းမြစ်များ

1 Aydaad 11:24

Toh, agiruh yan Banaaya abe taama. Banaaya «Yaaxigen Soddomih» adoytak ten. A Soddomih addat migaaqat akak yabba yan numuk tene'mmay, «Yaaxigen Sidoc» gide migaq-gexxoh luk mananna. Dawud isit dacayrih tan qaskarak abba kaa abe.

1 Aydaad 20:5

Tohuk kalah kaadu Filistiin mara kee ken fanal kaxxa carbi rade. Too qeebil Israayilih yooboke Yaaqír-Elcanan deqsita numu, Gat magaalal yooboke Golyaadak toobokoytah yen numuy Lacmi deqsita qide. Too numih macaxi kaxxa masu luk yen.

1 Samuwel 17:4

Filistiin qaskarak addak Golyaad deqsita celem bukka 'yeeh, Israayil qaskarih addak qeebi kaa'lih aba num yanim keh essere. A num Gat deqsitta magaalal yoobokeh yeneeh, xexxaarah lica cusul kee garab akkuk yeneeh, isik edde waasan nacaasak bicsen kameesiy qilsah kontom kee malcina kiilo yakkehiyya kee, amo edde dacrisan nacaasak bicsen kalabtat sartanah yen.

1 Samuwel 17:51

Sarrak arduk kaa fan gexeeh, amol kaak sollu 'yeeh, kay seef siibba heeh, moyya kaak edde yirgiqeh kaa qide. Filistiin mari Golyaad rabem yuble waqdi inkih kuden.

1 Samuwel 17:7

Kalah kaadu, lafudda le caxxi macaxu luk yen. A macaxuk af malcina kiilo yakke birtak bicseenih yenen. Aki qaskariiti foocat kay gob gabat hayya heeh kaak gexak yen.