1 Aydaad 11:2 - NABUWWA KEE MALIKWA

² Duma Saawul malikih suge saaku kinni way, gaadi faxxiima saaku foocat nek gacca 'teh carbi booxa fanah nee beyak sugtem koo. YALLAY ku Dagelta kinni, isi marak miraac akkettooh ken xiinisa num koo abeleemih qahdi koh culem nanu naaxigeh» axcuk kaal yemeeten.

1 Aydaad 11:2 ပူးပေါင်းရင်းမြစ်များ

2 Samuwel 5:2

duma Saawul suge saaku carbi yakke way, ni marih foocat sugtem kook ten. YALLI kaadu isi mara miraacisah dacrisa abba koo abeleemih qahdi koh culeh yen» kaak iyyen.

2 Samuwel 7:7

Israayil mara lih mango safar abe'mmay, ahaydumah Israayil abbobtiy innih reedisehiyyak, «Qibaadâ-Qariy sariidak bicseenihiyya macah yoh bicise waytan?» akak exce abba mayyu›.

1 Malikwa 14:7

Yarobqamak intu waytam koh warisu waak am» teetik iyye. Qari kaal culte waqdi, «YALLAY Israayil doore Dageltah yani, ‹Ummat addak doorru koo heeh, Israayil ummatay yi marah yanik malik koo abe.

1 Malikwa 3:9

Tonna'mmay ku ummatta qadaalatat edde xiinisaah, umam-kee-meqem-edde-baxisa-kas yoh acuyey. Too kas aalle week, a-axxul le ku mara qadlit xiinisam maduuda» iyye.

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Ermiyaas 3:15

Tokkel yi yab yaabbu waa mara abbobtih siinik heeyyo. Abbobtih siinik hayu waam, qakli le maraay; too mari kasat sin xiinisele.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 16:13

Samuweliiy Dawud toobokoh foocal saliidit amo kaak yuskute. Too waqdiik YALLI Dawudul isi *Roocaaniyya oobiseeh; too saakuk xabba haanam YALLIH Roocaaniyya kaa'lih ten. Tohuk lakal Samuwel Raama fan yuduure.

1 Samuwel 18:13

Tonna-leemik isi buxak beyya kaa heeh, alfi takke qaskarak abba kaa abe. Dawud isi marak foocat gacca 'yeh carbi-booxa fan ken bee.