1 Aydaad 1:14 - NABUWWA KEE MALIKWA

¹⁴ Kalah kaadu Kanqaanak raddem, Yabuusa deqsita maraay, Amoora deqsita maraay, Girgaasa deqsita maraay,

1 Aydaad 1:14 ပူးပေါင်းရင်းမြစ်များ

2 Samuwel 21:2

Gibqon mari Israayilih yooboke mara hinnoonuuy, Amoorah yooboke dago maray Israayil mari duma, ‹Sin maxagnay amo siinik dacrisenno› axcuk qahdi akah culeenihiyyak ten. Saawuluuy Israayil kee Yuudâ-marih taagah inkitanuuk ken bayisam faxeh yen.

2 Samuwel 24:16

Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

2 Malikwa 21:11

«Yuudâ-malikih yan Manasse gacca 'ta taamay Kanqaan mari abeemik kaxxam lafittahiyya abeeh; Yallih-aftok yaqbude duyyet, Yuudâ-mara kaadu Yalla-maleela edde gexxa gitat bee.

1 Aydaad 1:13

Kanqaanak naharsi baxi Sayda deqsitak yeneeh; ciggiila baxi kaadu Ciit deqsitak yen.

1 Aydaad 1:15

Ciiwi deqsita maraay, Qarka deqsita mara kee Sina deqsita maraay,

Nacmiya 9:8

Abraahim ku garil digga le num kinnim tubleh; xagana kaa'lih haysitte. Kaak rade marah baaxo ikoytah aceettoomih xagana kaah culte. Too baaxo, Kanqaan kee Ciitaay Amoora deqsita maraay Feriida kee Yabuusaay Girgaasah yooboke marih baaxo. Inteemil digga le Dagelta kinnitooh, xagana akah cultem abteh.

Qaamus 2:9

« ‹Takkay immay yooy YALLA kinnihiyya, Amoora deqsita maray xexxaarah calawwayti gide yakkeeh caylah lubak inna luk yenehiyya, sella akah heem, sin taagak ten.

Zakariyya 9:7

Qabal tif hayta cadoh makumuk raaqelon. Caraamak tan maaqo mayakman. Raqqa 'ye mari yi mara akkeleeh, Yuudah yooboke marih gexsot gexelon. Ekron mari, Yabuusah yooboke marak kaxxih, yi mara akkele.

Yoosuwa 24:15

YALLA taqbudeenim faxe wayteenik, ta saakut edde taqbudoonu waytaanam yoo iysixxiga. Yalla aqbude wayteenik, wonnal isin akak radden sin kaxxa abbobti Mesbotaamiyah rasul sugte saaku aqbuduk ten duyyeeya akke kee, hinnay kaadu, away elle tanin baaxol Amoorâ mari aqbuduk suge duyye doortaanama. Yoo kee yi buxah maraay yi buxal taamita marah tu gactekiiy nanu YALLA aqbudenno» keenik iyye.

Yoosuwa 3:10

‹Waara Dagelti sin lih yaniih, isin bisoh gutuqak elle tamaateenimil Yalli Kanqaanah yooboke maraay, Ciitah yooboke maraay, Ciiwih yooboke mara kee Feriidah yooboke maraay, Girgaasah yooboke maraay, Amoorah yooboke mara kee Yabuusah yoobokeh mara inkih baaxok ayyaaqele. Waara Dagelti ne'lih yanim macal aaxigenno inteenik, YALLAY inkih yan baadak Amoytah yanihiyyah qahdih sandug Ordon weeqaytuk siinik foocak tabselon.

Makaabon 1:21

Benyam marah tu gactek, Yabuusah yooboke maray Yarusalaam addal sugehiyya woo magaala yibbixen saaku mayyaaqinnon. Tonna-leemiik Yabuusâ-mari, Benyam-mara lih too magaalal elle raaqen.