Ngāue 19:2 - Te Fuakava Fo'ou 'i te Lea faka-Niuafo'ou

² pea pehē ange ia kiā nātou, “Ne'e kotou ma'u 'ia te Laumālie Mā'oni'oní 'i te taimi ne kotou tui aí?” Pea notou tali ange kiā ia, “Kailoa. Kua he'iki ai motou fanongo mātou ia 'oku 'i ai he Laumālie Mā'oni'oni.”

Ngāue 19:2 ပူးပေါင်းရင်းမြစ်များ

Sione 7:39

(Kā ne kau Tana lea ko iá ki te Laumālié, 'a ia kā ma'u 'e nātou ne tui pīkitai kiā Iá. He kua he'iki ai 'ia te Laumālié, kote'uhí kua he'iki ai fakalāngilangi'i 'ia Sīsū.)

Ngāue 10:44

Lolotonga te kei lea 'aki 'e Pita 'ia te 'ū me'a ko iá, ne'e hifo 'ia te Laumālie Mā'oni'oní kiā nātou fuli pē ne'e fanongo ki te fakamatalá.

Ngāue 19:5

Pea 'i te notou fanongo ki aí, ne'e notou papitaiso ki te huafa 'o te 'Aliki ko Sīsuú.

Ngāue 2:17

‘'Oku me'a mai 'e te 'Atuá: Pea 'e hoko 'i te kuonga fakamulí, 'e Au lilingi ai he me'a mei Toku Laumālié ki te kakai kotoa pē; pea 'e toki palōfisai te kotou 'ū fohá mo te kotou 'ū 'ofafiné, pea 'e mata vīsone te kotou kau talavoú, pea 'e fa'a misi te kotou mātu'á;

Loma 1:11

He 'okou holi ke fe'iloaki mo kōtou, kote'uhí ke au 'avatu he kotou me'i kelesi fakalaumālie, hei'ilo 'e kaukaua ange ai te kotou tuí —

1 Kolinitō 6:19

Ko te ā? 'Oku kala kotou 'ilo'i koā ko te kotou sinó taki taha ko te temipale 'o te Laumālie Mā'oni'oní 'oku 'iā kōtoú, 'a ia kua hoko kiā kōtou mei te 'Atuá, pea 'oku kala 'a kōtou 'ia kōtou?

Kalētia 3:5

Pea ko 'eni, ko Ia kua Ina tuku kiā kōtou 'ia te Laumālié, mo fakatupu 'iā kōtou 'ia te mafai maná, 'oku tafito Tana faí ki te 'ū ngāue fakalaó, pē ki te kotou fanongo ki te ongoongoleleí 'o tui ki aí?