Luke 9:20 - Te Fuakava Fo'ou 'i te Lea faka-Niuafo'ou

²⁰ Pea iange 'e Ia, “Kā ko ai 'ia Au 'i te kotou laú?” Pea tali 'e Pita, 'o pehē, “Ko te Kalaisi Koe 'o te 'Atuá.”

Luke 9:20 ပူးပေါင်းရင်းမြစ်များ

Mātiu 22:42

“Ko te ā te kotou lau ki te Kalaisí? Ko te Hako nai Ia 'o ai?” Pea notou tali, “'O Tēvita.”

Mātiu 26:63

Ka ne'e longo pē 'ia Sīsū ia. Pea toe lea 'ia te Taula'aliki Lahí, 'o pehē ange, “'Okou fekau kiā Koe 'i te 'Atua ma'ulí, ke Ke lea mo'oni mai pe ko te Kalaisí Koe, ko te 'Alo 'o te 'Atuá!”

Mātiu 5:47

Pea kāpau 'oku kotou fetapa ki te kotou kāingá pē, ko te ā he me'a 'oku kotou fai 'oku hulu atu? 'Oku kailoa koā fai 'e te Senitailé foki 'ia te me'a ko iá?

Ma'ake 14:61

Kā ne fakalongolongo pē Ia, 'o kailoa tali Ia he me'a. Pea toe fehu'i 'e te Taula'aliki Lahí, 'o pehē ki Ai, “Ko te Kalaisí 'ia Koe, ko te 'Alo 'o te Fakamālō'iná?”

Ma'ake 8:29

Toki fehu'i ange 'e Ia kiā nātou, “Kā ko ai 'ia Au 'i te lau 'a kōtoú?” Pea tali 'e Pita 'o pehē ki Ai, “Ko te Kalaisí 'ia Koe.”

Luke 22:67

“Ko Koe 'ia te Kalaisí? Pe'i tala'i mai.” Pea iange 'e Ia kiā nātou, “Kāpau 'e Au tala'i atu kiā kōtou, 'e kailoa pē tui kōtou ia.

Luke 9:19

Pea notou iange, “Ko Sione Papitaiso; kā ko te lau te 'ihi, ko 'Ilaisiā; pea ko te 'ihi, kua toetu'u he taha 'o te kau palōfita mu'á.”

Sione 1:41

Ko ia ia ne'e matu'a ma'u tono tokoua 'o'oná 'ia Saimone, 'o iange kiā ia, “'Ē, kua mā 'ilo'i te Mīsaiá,” ('a ia ko tono hikí, ko Kalaisi).

Sione 1:49

Pea iange 'e Nātaniela, “'E Lāpai, ko Koe ia 'ia te 'Alo 'o te 'Atuá! Ko Koe ia 'ia te Tu'i 'Isilelí!”

Sione 11:27

Pea iange ia, “'Io, 'Aliki; 'okou tui ko te Kalaisí 'ia Koe, ko te 'Alo 'o te 'Atuá, ko te Toko Taha kā ha'u ki māmaní.”

Sione 20:31

kā kua tohi 'ení kote'uhí ke kotou tui ko Sīsuú ko te Kalaisí Ia, ko te 'Alo 'o te 'Atuá, pea 'i te kotou tuí ke kotou ma'u ma'uli 'i Tono huafá.

Sione 4:29

“Kotou ōmai angé, 'o mamata ki te Tangata kua Ina 'a'au mai taku me'a kotoa pē kua u faí. Ko te Kalaisí nai 'eni pe kailoa?”

Sione 4:42

Pea notou iange ki te fafiné, “'Oku kala motou kei tui kote'uhí pē ko tau talanoa ne'e faí; he kua motou fanongo tonu ki ai 'e mātou, pea kua motou 'ilo'i, ko 'eni mo'oni ia 'ia te Kalaisí, ko te Fakama'uli 'o māmaní.”

Sione 7:41

Pea pehē 'e te 'ihi, “Ko te Kalaisí 'eni.” Ka ne'e pehē 'e te 'ihi, “Hē 'oku ha'u koā 'ia te Kalaisí mei Kāleli?

Ngāue 17:3

'o faka'uhinga'i mo fakamo'oni'i 'o pehē, “Ne'e pau ke feia 'ia te Kalaisí, pea ke toetu'u Ia mei te pekiá; ko 'eni ia 'ia te Kalaisi ko iá, 'ia Sīsū 'okou malanga 'aki kiā kōtoú.”

Ngāue 8:36

Pea 'i te nā fononga 'i te alá, ne'e nā a'u ki te vai; pea iange 'e te 'iunoké, “'Ē, ko te vai 'eni; 'oku 'i ai he 'uhinga ke ta'ofi 'aki toku papitaisó?”

Ngāue 9:22

Ka ne'e toe fakautuutu ai te mālohi 'o Saulá mo tana fakapuputu'u'i te kakai Siu ne'e nofo 'i Tāmasikusí, ko te mālohi tana fakamo'oni ko Sīsū 'ia te Kalaisí.

1 Sione 5:1

Ko ia kotoa pē 'oku tui ko te Kalaisí 'ia Sīsū, kua fanau'i 'ona mei te 'Atuá; pea ko ia kotoa pē 'oku 'ofa kiā Ia ne Ina fakatupú 'oku ina 'ofa foki kiā nātou kua fanau'i mei Tana 'Afió.